IPLIN
 
  • Home
  • Sports
  • ITA bans gymnast Dipa Karmakar for 21 months

મોટો નિર્ણય / ભારતીય સ્ટાર જિમ્નાસ્ટ દીપા કર્માકરને ઝટકો: ઇન્ટરનેશનલ ટેસ્ટિંગ એજન્સીએ મૂક્યો 21 મહિનાનો પ્રતિબંધ, કારણ ચોંકાવનારું

Team VTV 08:27 AM, 04 Feb 23 | Updated: 08:31 AM, 04 Feb 23
Follow us
ITA bans gymnast Dipa Karmakar for 21 months

જિમ્નાસ્ટ દીપા કર્માકરની મુશ્કેલીમાં વધારો થયો છે. ITAએ પ્રતિબંધિત પદાર્થનું સેવન કરવા બદલ તેમના પર 21 મહિનાનો પ્રતિબંધ લગાવી દીધો છે.

 

  • ડોપ ટેસ્ટમાં ફસાઈ જિમ્નાસ્ટ દીપા કર્માકર
  • ITAએ 21 મહિનાનો પ્રતિબંધ મૂક્યો
  • સસ્પેન્શન 10 જુલાઈ 2023 સુધી લાગુ રહેશે

ઇન્ટરનેશનલ ટેસ્ટિંગ એજન્સી (ITA)એ ભારતીય જિમ્નાસ્ટ દીપા કર્માકર પર પ્રતિબંધિત પદાર્થોનું સેવન કરવા બદલ 21 મહિના માટે પ્રતિબંધ મૂક્યો છે. ITAને જાણવા મળ્યું કે દીપાએ હાઈજેનામાઈન (higenamine)નું સેવન કર્યું હતું. ટેસ્ટ રિપોર્ટમાં સામે આવ્યું હતું કે, દીપા કર્માકરે પ્રતિબંધિત પદાર્થ હિજેનામાઇન (higenamine)નું સેવન કર્યું હતું.  શુક્રવારે ITAએ પુષ્ટિ કરી કે દીપા કર્માકરને 21 મહિના માટે સસ્પેન્ડ કરવામાં આવ્યા છે. તેમનું સસ્પેન્શન 10 જુલાઈ 2023 સુધી લાગુ રહેશે.

FIG દ્વારા કરાયો હતો રિપોર્ટ
11 ઓક્ટોબર 2021ના રોજ એક આઉટ-ઓફ-કોમ્પિટિશન કંટ્રોલના દાયરામાં ફેડરેશન ઇન્ટરનેશનલ ડી જિમ્નેસ્ટિક્સ (FIG) દ્વારા દીપા કર્માકરનું સેમ્પલ લેવામાં આવ્યું હતું. જેના ટેસ્ટ રિપોર્ટમાં તેમણે હાઈજેનામાઈનનું સેવન કર્યું હોવાનું સામે આવ્યું હતું. હાઈજેનામાઈનને વર્લ્ડ એન્ટી ડોપિંગ એજન્સી દ્વારા પ્રતિબંધિત લિસ્ટમાં મૂકવામાં આવ્યું છે.

ભારતના ટોચના જિમ્નાસ્ટ છે દીપા કર્માકરે
આપને જણાવી દઈએ કે, ત્રિપુરાના દીપા કર્માકર ભારતના ટોચના જિમ્નાસ્ટ છે. તેઓ 2016 રિયો ઓલિમ્પિકમાં ચોથા સ્થાને રહ્યા હતા. 2018માં તેઓએ તુર્કીના મેર્સિનમાં FIG આર્ટિસ્ટિક જિમ્નેસ્ટિક્સ વર્લ્ડ ચેલેન્જ કપની વૉલ્ટ સ્પર્ધામાં ગોલ્ડ મેડલ જીત્યો હતો. આવું કરનાર તેઓ ભારતના પ્રથમ જિમ્નાસ્ટ બન્યા હતા.

2019માં રમ્યો હતો છેલ્લો વર્લ્ડ કપ
દીપા કર્માકર 2021થી જ સસ્પેન્શનનો સામનો કરી રહી છે. 2017માં તેની સર્જરી પણ કરવામાં હતી. તેણે તેનો છેલ્લો વર્લ્ડ કપ 2019માં રમ્યો હતો. ઈજાના કારણે દીપા 2019 ટોક્યો ઓલિમ્પિક માટે ક્વોલિફાય કરી શકી ન હતી.

ITA gymnast Dipa Karmakar જિમ્નાસ્ટ દીપા કર્માકર દીપા કર્માકર પર પ્રતિબંધ ઇન્ટરનેશનલ ટેસ્ટિંગ એજન્સી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ