નેશનલ હાઈવે 8 નજીક હથિયાર સાથે બે શકમંદ દેખાતા પોલીસની ટીમ એલર્ટ થઈ ગઈ છે. મકરપુરા એરફોર્સ નજીકના હાઈવે પાસે બે શકમંદ દેખાયા હતાં. જેથી સ્થાનિકોએ પોલીસને જાણ કરી હતી. હાલ પોલીસે શકમંદને જોનારની પુછપરછ શરૂ કરી દીધી છે. જોઇએ સમગ્ર અહેવાલ.
સમગ્ર અહેવાલ વિશે જણાવીએ તો, વડોદરામાં હથિયાર સાથે બે શંકાસ્પદ શખ્સો દેખાતા પોલીસ ટીમ એલર્ટ થઇ ગઇ છે. NH-8 નજીક હથિયાર સાથે બે શકમંદ દેખાયા હોવાની માહિતી પોલીસને એક યુવકે આપી છે. મકરપુરા એરફોર્સ નજીક આ શંકાસ્પદ શખ્સો હથિયાર સાથે દેખાયા છે.
મહત્વપૂર્ણ છે કે, મકરપુરા એરફોર્સમાં મિસાઈલ બનાવવાની કામગીરી ચાલે છે તેમજ આર્મી જવાનોના રહેણાંક મકાન વિસ્તારોમાં શંકાસ્પદ ઈસમો દેખાતા પોલીસે અલર્ટનેસ દાખવીને તપાસ શરૂ કરી દીધી છે. પોલીસ શંકાસ્પદ લાગતા લોકોની પુછપરછ પણ કરી રહી છે અને શંકાસ્પદ હથિયાર ધારી બન્ને ઈસમોને શોધવા પોલીસે ઓપરેશન હાલ શરૂ કરી દીધું છે.