Multibagger Stock / 12 રૂપિયાનો શેર 2500 ટકા ચડ્યો, એક્સપર્ટની ભવિષ્યવાણીથી હજુ પણ થશે અપરંપાર લાભ

શેરમાર્કેટમાં છેલ્લા ઘણા સમયથી તેજી જોવા મળી રહી છે. સેન્સેક્સ અને નિફ્ટી ઐતિહાસિક સપાટીએ પહોંચી રહ્યા છે. જેના પગલે રોકાણકારોને ફાયદો થઈ રહ્યો છે. કેટલીક કંપની માર્કેટમાં ધૂમ મચાવી રહી છે. ત્યારે ગુરુવારે IT સર્વિસ મેનેજમેન્ટ કંપની Saksoft Limitedમાં તોફાની વધારો થયો હતો. ટ્રેડિંગ દરમિયાન કંપનીના શેરમાં 12 ટકાનો વધારો થયો હતો અને કંપનીના શેર રૂ. 319 પર પહોંચી ગયા હતા અને 52 સપ્તાહની નવી ઊંચી સપાટી બનાવી હતી.

ટ્રેડિંગના અંતે કંપનીનો શેર BSE પર 4.19 ટકાના ઉછાળા સાથે રૂ. 298 પર બંધ થયો હતો. લગભગ 4 વર્ષમાં કંપનીના શેરમાં 2500 ટકાથી વધુનો વધારો થયો છે. શેરના આ વધારા પાછળ એક મોટું કારણ છે. સેકસોફ્ટ લિમિટેડના શેર આજે 1:4 રેશિયોના બોનસ ઈશ્યૂ માટે એક્સ-ડેટ પર ટ્રેડ થઈ રહ્યા છે. છેલ્લા એક સપ્તાહમાં તેમાં લગભગ 45 ટકાનો વધારો થયો છે. છેલ્લા ચાર વર્ષમાં કંપનીના શેરમાં 2558%નો વધારો જોવા મળ્યો છે. ચાર વર્ષ પહેલા 3 એપ્રિલ 2020ના રોજ આ શેરની કિંમત માત્ર 12 રૂપિયા હતી.

બે વર્ષમાં શેરની કિંમત 102 રૂપિયાથી વધીને 319 રૂપિયા થઈ

છેલ્લા બે વર્ષમાં જ આ શેરની કિંમત 102 રૂપિયાથી વધીને વર્તમાન ભાવ 319 રૂપિયા થઈ ગઈ છે. છેલ્લા દાયકામાં આ શેરે 8,000 ટકાનું આશ્ચર્યજનક વળતર આપ્યું છે. બ્રોકરેજ ફર્મ મોનાર્કે તેની તાજેતરની નોંધમાં 'બાય' રેટિંગ સાથે આ સ્ટોક પર કવરેજ શરૂ કર્યું છે અને શેર દીઠ રૂ. 435નો લક્ષ્યાંક રાખ્યો છે. તમને જણાવી દઈએ કે આ શેરે તાજેતરના વર્ષોમાં તેના રોકાણકારોને ઉત્તમ વળતર આપ્યું છે. જો કે, તાજેતરના મહિનાઓમાં શેરમાં થોડું પ્રોફિટ બુકિંગ પણ જોવા મળ્યું છે.

વધુ વાંચો : શેર માર્કેટના અચ્છે દિન ગયા, આ 7 સંકેત અપશુકન, રોકાણકારો પહેલાથી ચેતજો

તમને જણાવી દઈએ કે આ કંપની ચેન્નાઈની છે. કંપની મધ્યમ કદની છે અને તે વૈશ્વિક સાહસો માટે ડિજિટલ ટ્રાન્સફોર્મેશન પાર્ટનર છે. તે ફિનટેક, ડિજિટલ કોમર્સ, ટ્રાન્સપોર્ટેશન અને લોજિસ્ટિક્સ અને હાઇ-ટેક મીડિયા અને યુટિલિટીઝ જેવા વિવિધ ક્ષેત્રોમાં બિઝનેસ ટ્રાન્સફોર્મેશન સોલ્યુશન્સમાં નિષ્ણાત છે. SakSoft એપ્લિકેશન એન્જિનિયરિંગ, ગુણવત્તા ખાતરી અને પરીક્ષણ, ડેટા વિશ્લેષણ, ક્લાઉડ ઇન્ફ્રાસ્ટ્રક્ચર અને સાયબર સુરક્ષામાં સેવાઓ પ્રદાન કરે છે. Saksoft ભારત, યુરોપ, એશિયા અને યુનાઇટેડ સ્ટેટ્સમાં 16 ઓફિસનું સંચાલન કરે છે. કંપની તેની આવકના 55 ટકા ડિજિટલ એન્જિનિયરિંગમાંથી, 25 ટકા ડેટા અને ક્લાઉડમાંથી, 18 ટકા ટેસ્ટિંગમાંથી અને 2 ટકા ઈન્ફ્રાસ્ટ્રક્ચર અને સુરક્ષામાંથી જનરેટ કરે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ