સર્ચ ઓપરેશન / ગાંધીનગરમાં PSY ગ્રુપના ભાગીદારોને ત્યાં IT રેડ, 27 સ્થળોએ કાર્યવાહી, મોટા પાયે બેનામી વ્યવહારો મળવાની શક્યતા

• ગાંધીનગરમાં Psy ગ્રુપને ત્યાં IT વિભાગના દરોડા
• ભાગીદારો બંકીમ જોશી, નિલય દેસાઈ, વિક્રાંત પુરોહિતને ત્યાં સર્ચ
• સેક્ટર-8 અને સેક્ટર-21માં IT વિભાગની કાર્યવાહી
• ગાંધીનગરમાં એકસાથે 27 સ્થળોએ IT વિભાગનું સર્ચ
• IT વિભાગના 100થી વધુ અધિકારી તપાસમાં જોડાયા

Gandhinagar : ગાંધીનગરમાં ઘણા લાંબા સમય બાદ ઇન્કમટેક્સનું ઓપરેશન સામે આવ્યું છે. વિગતો મુજબ ગાંધીનગરમાં PSY ગ્રુપ ઉપર ઇન્કમટેક્સની તવાઈ સામે આવી છે. ગાંધીનગરમાં સેક્ટર-8 અને સેક્ટર-21 સહિતના એરીયાઓમાં ITના દરોડા પડ્યા છે. મહત્વનું છે કે, લાંબા દિવસો બાદ ગાંધીનગરમાં જ એક સાથે 27 જગ્યા ઉપર તપાસ ચાલી રહી છે.

વધુ વાંચો: અમદાવાદમાં Olympic વિલેજની તૈયારીઓ શરૂ, આસારામ આશ્રમ સહિત રહેણાંક મકાનોને પણ જગ્યા ખાલી કરવા નોટિસ

રાજ્યના પાટનગર ગાંધીનગરમાં આજે ઇન્કમટેક્સના દરોડા પડ્યા છે. આજે ગાંધીનગરમાં સેક્ટર-8 અને સેક્ટર-21 સહિત કુલ 27 સ્થળો પર અચાનક જ ઇન્કમટેક્સની તપાસ ચાલી રહી છે. આ દરોડા PSY ગ્રુપના ભાગીદારો બંકીમ જોશી, નિલય દેસાઈ, વિક્રાંત પુરોહિત સહિતનાને ત્યાં પડ્યા છે.  વિગતો મુજબ ઇન્કમટેક્સના 100થી વધુ અધિકારીઓ તપાસમાં જોડાયા છે. આ તરફ હવે તપાસના અંતે મોટાપાયે બેનામી વ્યવહાર મળે તેવી સંભાવના છે.