એકવાર ફરી રાજ્ય (Gujarat) માં આઇટી વિભાગ હરકતમાં આવ્યો છે. રાજ્યમાં અમદાવાદ, મોરબી અને રાજકોટમાં IT વિભાગે સર્ચ ઓપરેશન હાથ ધર્યું છે.
મોરબી જિલ્લાના બે કારખાનામાં IT વિભાગનું સર્ચ ઓપરેશન
ઢુવા અને વઘાસિયા પાસે આવેલ ક્યુટોનના કારખાનામાં ITના ધામા
વહેલી સવારથી અમદાવાદ, મોરબી અને રાજકોટમાં ITના દરોડા
રાજકોટમાં IT (આયકર વિભાગ) વિભાગ દ્વારા સર્ચ ઓપરેશન હાથ ધરવામાં આવ્યું છે. મોરબી જિલ્લાના બે જુદા-જુદા કારખાનામાં આઇટી વિભાગે સર્ચ ઓપરેશન હાથ ધરતા સિરામિક ઉદ્યોગ સાથે સંકળાયેલા ઉદ્યોગપતિઓમાં ફફડાટ ફેલાયો છે.
વહેલી સવારથી અમદાવાદ, મોરબી અને રાજકોટમાં IT વિભાગના દરોડા
જણાવી દઇએ કે, IT વિભાગે વહેલી સવારથી એકસાથે અલગ-અલગ સ્થળોએ સર્ચ ઓપરેશન હાથ ધર્યું છે. જેમાં શહેરના ઢુવા અને વઘાસિયા પાસે આવેલ Qutone Ceramicના કારખાનામાં દરોડા પાડવામાં આવ્યા છે. અગ્રવાલ ગ્રુપની અમદાવાદની ઓફિસે રેડ પાડ્યા બાદ મોરબીમાં IT વિભાગ દ્વારા સર્ચ ઓપરેશન હાથ ધરવામાં આવ્યું.
લગભગ 25 જેટલાં સ્થળોએ IT વિભાગ દ્વારા સર્ચ અભિયાન શરૂ
મોરબીમાં Qutone Ceramic ગ્રુપ પર આઇટી વિભાગ દ્વારા દરોડાની કાર્યવાહી હાથ ધરાઇ છે. લગભગ 25 જેટલાં સ્થળોએ IT વિભાગ દ્વારા સર્ચ અભિયાન શરૂ કરાયું છે. નાણાકીય હિસાબોની આઇટીની ટીમ દ્વારા તપાસ શરૂ કરવામાં આવી છે. રાજ્યમાં અમદાવાદ, મોરબી અને રાજકોટમાં IT વિભાગ દ્વારા દરોડા પાડવામાં આવ્યા છે. જો કે, ITની આ રેડ દરમ્યાન મોટી માત્રમાં કરચોરી સામે આવે તેવી સંભાવના સેવાઇ રહી છે.