રેડ / રાજસ્થાનમાં સૌથી મોટા ITના દરોડા, ભોયરામાંથી મળી અરબોની સંપત્તિ

ઇન્કમટેક્સ વિભાગ દ્વારા રાજસ્થાનના ઇતિહાસના સૌથી મોટા દરોડા પાડવામાં આવ્યાં છે. ઇન્કમટેક્સ વિભાગે જયપુરમાં બુલિયન વેપારી, બે રિયલ એસ્ટેટ ડેવલેપરને ત્યા દરોડા પાડીને પોણા બે હજાર કરોડની બે નંબર મિલકત ઝડપી પાડી છે. 

ઇન્કમટેક્સ વિભાગને બુલિયન વેપારીને ત્યાં ભોયરું મળી આવ્યું છે, જેમાં 700 કરોડની મિલકત અંગે જાણકારી મળી છે. 

પ્રાપ્ત મળતી વિગત અનુસાર આ રાજસ્થાન ઇનિતહાસના અત્યાર સુધીના સૌથી મોટા દરોડા છે. દરોડાની કાર્યવાહી 5 દિવસ સુધી ચાલી છે આ રેડમાં IT વિભાગની ટીમે 200 કર્મચારીઓની સાથે 5 દિવસ સુધી સતત ઓફિસ કાગળ અને દસ્તાવેજની તપાસ કરી. 

ઇન્કમટેક્સ વિભાગના જણાવ્યા અનુસાર આ દરોડા શહેરના ત્રણ મોટા વેપારી ગ્રુપ સિલ્વર આર્ટગ્રુપ, ચોરડિયા ગ્રુપ અને ગોકુલ કૃપા ગુર્પ પર કરવામાં આવી છે. આ દરમિયાન 1700થી 1750 કરોડ રુપિયાની બે નંબરની કમાણીનો ખુલાસો થયો છે. 

દરોડા દરમિયાન એક ભોયરામાં ઘણી કિંમતી વસ્તુઓ મળી આવી છે. જો કે આકરણી કરવામાં આવી રહી છે અહીં 700 કરોડ રૂપિયાની સંપત્તિ થઇ શકે છે. જયપુર પોલીસે ભોયરામાં મળેલી મૂર્તિઓ, કાર્પેટ અને કીંમતી સ્ટોન અને બહુમૂલ્યવા પદાર્થો અંગે જાણકારી માગી છે જેથી એ ખબર પડી શકે છે આ માલ ક્યાંથી આવ્યો છે અને તેની સપ્લાય ક્યાં થાય છે.

ઇન્કમટેકેસ અનુસાર આ ગ્રુપોની ઓફિસમાંથી જે કાગળો જપ્ત થયા છે તેમાં અંદાજે 200 કરોડની લેણ-દેણના કાગળો મળ્યાં છે. અહીં લગાવામાં આવેલા બધા CCTV ફુટેજ જપ્ત કરવામાં આવી લીધેલા છે, જેનું અધ્યયન કરવામાં આવી રહ્યું છ.