રાજકોટમાં RK અને ગંગદેવ ગ્રુપ સહિત 45 સ્થળોએ આવકવેરા વિભાગની તવાઈ, 48 કલાકમાં 1 અબજથી વધુ બિનહિસાબી વ્યવહારો મળ્યાં આવ્યા બિલ્ડર લોબીમાં ફફડાટ
RK ગ્રુપ સહિત 45 જગ્યાએ ITના દરોડા
રાજકોટમાં 48 કલાકથી દરોડા યથાવત
કરોડોના બેનામી વ્યવહારો મળી આવ્યા
રાજકોટમાં IT વિભાગે મોટી કાર્યવાહી હાથ ધરી છે ત્યારે શહેરમાં મોટી બિલ્ડરો અને ઉદ્યોગપતિઓ પર આવક વેરા વિભાગે સપાટો બોલાવ્યો છે અત્યાર સુધીમાં 48 કલાક વિતી ગયા હોવા છતા આવક વેરા વિભાગ દ્વારા હજુ પણ કાર્યવાહી કરવામાં આવી રહી છે. શહેરમાં 45 જગ્યાઓ પર આવક વેરા વિભાગે દરોડા પાડ્યા છે અને અધિકારીઓ નોનસ્ટોપ સર્ચ ઓપરેશન કરી રહ્યા છે. જેમાં કરોડોના બેનામી સંપતિ અને આર્થિક વ્યવહાર સામે આવી રહ્યા છે.
5 કિલો સોનુ, 1 અબજના બેનામી વ્યવહારો મળી આવ્યા
અત્યાર સુધીના સર્ચ ઓપરેશનમાં 5 કિલો સોનુ, 1 અબજના બેનામી વ્યવહારો મળી આવ્યા છે. મહત્વનું છે કે IT વિભાગે પહેલા ડમી ગ્રાહક RK ગ્રુપમાં મિલકત ખરીદવા માટે મોકલ્યા હતા જેમાં કરોડોનો બેનામી સંપતિ હોવાનું સામે આવતા આવક વેરા વિભાગે તપાસની કાર્યવાહી હાથ ધરી છે. આ તપાસમાં નોટબંધીના વ્યવહારો પણ મળી આવ્યા હોવાનો ચોંકાવનારો ખુલાસો પણ સામે આવ્યો છે. આવક વેરા વિભાગની આ કાર્યવાહીથી શહેરના અન્ય બિલ્ડર લોબીમાં પણ ફફડાટ જોવા મળી રહ્યો છે.
તપાસમાં નોટબંધીના વ્યવહારો પણ મળી આવ્યા હતા
RK ગ્રુપના સર્વાનંદ સોનવાણી, જગદીશ સોનવાણી, બ્રીજલાલ સોનવાણી, ભરત સોનવાણી અને તેમના પરિવારજનો તેમજ ઓફિસ કર્મચારીઓ અને ભાગીદારો પણ આવક વેરા વિભાગની ઝપટે આવી ગયા છે. સોનવાણી ગ્રુપ સાથે અગાઉ પણ અનેક પ્રોજેક્ટમાં કામ કરી ચુકેલા જાગનાથ મારબલવાળા કિરીટ ગંગદેવ, કિંજલ ફળદુ અને તેના પાર્ટનર ચંદ્રેશ પનારા, ગૌરાંગ પટેલ, સિધ્ધાર્થ ગંગદેવ તેમજ આર.કે. ગ્રુપ સાથે કનેક્શન ધરાવતા કોન્ટ્રાકટરો રમેશ પાંચાણી અને આશિષ ટાંક તેમજ રાજકોટના જાણીતા ઇલેકટ્રોનિક શો–રૂમ ધરાવતા સીમરનના હરિસિંહ સુચરીયાના બંગલા તથા ફટકડાનો વ્યવસાય ધરાવતા શ્રીરામ ફાયર વકર્સવાળા વિક્રમ લાલવાણી સહિત 45 જેટલા સ્થળો પર 48 કલાકથી નોનસ્ટોપ તપાસ ચાલી રહી છે.