ઉત્તરપ્રદેશના નોઈડા સેક્ટર 50 માં એક પૂર્વ આઈપીએસ ઓફિસરનાં ઘરે દરોડામાં 650 લોકર્સ મળી આવ્યા હતા જેમાંથી કરોડો રૂપિયાની બેનામી સંપતી મળી હતી, રેડ હજુ પણ ચાલી જ રહી છે.
નોઈડામાં પૂર્વ IPS ઓફિસરના ઘરે IT ની રેડ
રાત્રે ત્રણ વાગ્યે પડી રેડ
કરોડો રૂપિયાની રકમ મળી
ઉત્તરપ્રદેશના નોઈડા સેક્ટર ૫૦ માં એક પૂર્વ આઈપીએસ ઓફિસરનાં પરિસરમાં તપાસ દરમિયાન ઇન્કમ ટેક્સ વિભાગને મોટા પ્રમાણમાં બેનામી સંપતી મળી આવી છે.
પૂર્વ IPS અધિકારીના ઘરે ઇન્કમ ટેક્સની રેડમાં હજુ સુધીમાં 3 કરોડ રૂપિયા જપ્ત કરવામાં આવ્યા હોવાના સમાચાર છે. ઇન્કમ ટેક્સ સર્વેમાં મોડી રાત્રે એ વાગ્યે ત્રણ લોકર ખોલવામાં આવ્યા હતા. લોકરમાંથી આશરે ત્રણ કરોડ રૂપિયાની બેનામી સંપતી મળી આવી હોવાના સમાચાર છે.
રાત્રે ત્રણ વાગ્યે પડી રેડ
આ લોકર્સ જેના છે એ ઓફિસરની તપાસ કરવામાં આવી રહી છે. નોટોની ગણતરી માટે નોટ ગણવાના મશીન મગાવવામાં આવ્યા છે. રાત્રે ત્રણ વાગ્યે જ નોટોની ગણતરી શરુ કરી દેવામાં આવી હતી. અને હજુ સુધી એટલે કે આજે તારીખ ૧ લી ફેબ્રુઆરી ની બપોર સુધી નોટોની ગણતરી ચાલુ હોવાની માહિતી મળી છે. ઇન્કમ ટેક્સની ટીમ સંદિગ્ધ લોકોની તપાસ કરવામાં જોડાઈ ગઈ છે. આ બેનામી સંપતી ત્રણ સંદિગ્ધ વ્યક્તિની હોવાનું માનવામાં આવી રહ્યું છે . જેની તપાસમાં આઈટી વિભાગના લોકો જોડાયા છે.
માનસમ કંપનીની ઓફિસમાં સર્વે
સેક્ટર ૫૦ માં માનસમ કંપનીના ઓફિસમાં સર્વે કરવામાં આવ્યો હતો. મકાન નંબર A6 ના બેઝમેન્ટમાં આશરે ૬૫૦ થઈ વધારે લોકર્સ ભાડે આપવામાં આવ્યા હતા આ કંપનીના માલિક પૂર્વ આઈપીએસ ઓફિસર જ છે જે પોતે યુપી કેડર અને ૧૯૮૩ બેચ ના ડીજી રેન્કના અધિકારી છે.
પૂર્વ આઈપીએસ અધિકારીની પત્નીના નામે પ્રાઈવેટ લોકર
એવું પણ કહેવામાં આવી રહ્યું છે કે પૂર્વ આઈપીએસ અધિકારીની પત્નીના નામે પ્રાઇવેટ લોકર ભાડે આપવામાં આવ્યા છે અને કામ ચાલી રહ્યું છે આ તેઓની પેઢીઓથી થતું કામ છે. તેમાંથી જ એક લોકરમાં બેનામી ૨૦ લાખ રૂપિયા રોકડ હોવાની જાણકારી ઇન્કમ ટેક્સ વિભાગને મળી હતી. ત્યાર બાદ ટીમે તેઓના લોકરની જાણકારી મેળવી રેડ પાડી હતી. એવું પણ જાણવામાં અવ્યુ હ્તું કે આઈપીએસ અધિકારી અને તેમનો પરિવાર પણ તપાસમાં મદદ કરી રહ્યો છે.