ભારત અને ચીન વચ્ચે કેટલાક સ્તર પર વાતચીત ચાલી રહી છે પરંતુ તેનું કોઈ પરિણામ આવી નથી રહ્યું છે. એવામાં ભારત સરકાર ચીનને ફરીથી ઝટકો આપવાની તૈયારીમાં છે. મીડિયા અહેવાલ અનુસાર વધુ ચીની એપ પર પ્રતિબંધ લગાવવામાં આવશે.
થોડા દિવસ પહેલા ટિકટોક સહીતની એપ પર લગાવ્યો હતો પ્રતિબંધ
Helo Lite, ShareIt Lite જેવી એપ ગૂગલ પ્લેસ્ટોરથી હટાવાઈ
Lite વર્ઝનમાં ચાલી રહી હતી કેટલીક એપ
કેટલીક એપ પ્લેસ્ટોરથી હટાવી દેવાઈ
મીડિયા અહેવાલ અનુસાર ટિકટોક અને યુસી બ્રાઉઝર સહીતની 59 ચાઇનીઝ એપ બાદ હવે Electronics and Information મંત્રાલયે વધુ મોબાઇલ એપ્લીકેશન પર પ્રતિબંધ મૂકવાનો નિર્ણય લઇ લીધો છે. જેમાં મોટા ભાગે એપ્સ ચાઇનીઝ મૂળની છે.અહેવાલમાં જણાવ્યા અનુસાર Helo Lite, ShareIt Lite, Bigo Lite and VFY Liteને ગૂગલ પ્લે સ્ટોર અને એપલ એપસ્ટોરમાંથી હટાવી દેવામાં આવી છે. નોંધનીય છે કે થોડા દિવસ પહેલા જ ભારત સરકારે 59 ચીની એપ પર પ્રતિબંધ મૂકી દીધો હતો. જેમાં પોપ્યુલર એપ ટિકટોકનો પણ સમાવેશ થાય છે.
Lite વર્ઝનમાં ચાલી રહી હતી કેટલીક એપ
એપ્લિએપ્લિકેશન્સ પર પ્રતિબંધ મૂકતાં સરકારે જણાવ્યું કે આ એપ દેશની અખંડતા, સાર્વભૌમત્વ અને સુરક્ષા માટે ખતરારૂપ છે. અહેવાલમાં કહેવામાં આવ્યું છે કે એપ પર પ્રતિબંધ છતાં લાઈટ વર્ઝનમાં આ બધી એપ હજુ ચાલી રહી છે અને પ્લેસ્ટોરમાં પણ છે. જે બાદ હવે આ બધી ચીની એપને હટાવી દેવાનો નિર્ણય લેવામાં આવ્યો છે. આ સિવાય ભારત સરકારનું ધ્યેય છે કે ભારતને ડિજીટલ દુનિયામાં પણ આત્મનિર્ભર બનાવવામાં આવે .
ક્યારે શરુ થયો તણાવ
નોંધનીય છે કે ગલવાન ખીણમાં ભારત અને ચીન વચ્ચે ચાલી અથડામણ બાદ હિંસામાં ભારતના 20 જવાનો શહીદ થઇ ગયા હતા જે બાદથી ભૂમિ વિવાદમાં યુદ્ધ જેવી પરિસ્થિતિનું નિર્માણ થઇ ગયું હતું. જે બાદથી ભારત સરકાર એક્શનમાં દેખાઈ રહી છે. સરહદ પર જવાનો જવાબ આપી રહ્યા છે ત્યાં બીજી તરફ સરકાર વિવિધ પગલાંઓ લઈને ડ્રેગનને જડબાતોડ જવાબ આપી રહી છે.