કાર્યવાહી / લાખો ભારતીય યુઝર્સને મોટી રાહત, કેન્દ્ર સરકારે WhatsApp ને આપ્યો આ મોટો આદેશ

• WhatsAppને નવી પ્રાઈવેસી પોલિસી પાછી ખેંચવાનો આદેશ
• પ્રાઈવેસી પોલિસી ભારતીયો માટે પક્ષપાતી ભરેલી છે-કેન્દ્ર સરકાર 
• ભારતીય યુઝર્સની પ્રાઈવેસી અને રાઈટ્સ માટે નુકશાન કારક

કેન્દ્રીય આઈટી મંત્રાલયે WhatsAppને આજદેશ આપતા જણાવ્યું કે નવી પ્રાઈવેસી પોલિસી ભારતીય યુઝર્સની પ્રાઈવેસી અને રાઈટ્સ માટે નુકશાન કારક છે. તેને કારણે આ નવી પ્રાઈવેસી પોલિસી પરત લેવાવી જોઈએ.

WhatsApp યુઝર્સની સાથે ભેદભાવ કરી રહ્યું છે 

મંત્રાલયે જણાવ્યું કે WhatsApp યુઝર્સની સાથે ભેદભાવ કરી રહ્યું છે. તે ઈન્ડીયન અને યુરોપીયન યુઝર્સની સાથે અલગ અલગ વ્યવહાર કરી રહ્યું છે.

મંત્રાલયે ઉમેર્યું કે વોટ્સએપની નવી પ્રાઈવેસી પોલિસી ફક્ત અડચણરુપ જ નહીં પરંતુ બિનજવાબદારપૂર્ણ છે. વોટ્સએપ પોતાની સ્થિતિનો ખોટો ફાયદો ઉઠાવી રહ્યું છે. જે ટર્મ અને કન્ડિશન ભારતીય યુઝર્સ માટે હોય છે તે યુરોપીયન યુઝર્સ માટે હોતા નથી. 

પ્રાઈવેસી પોલીસ ભારતીય કાયદાનું ઉલ્લંઘન

મંત્રાલયે વોટ્સએપને જણાવ્યું કે તેની પ્રાઈવેસી પોલીસ ભારતીય કાયદાનું ઉલ્લંઘન છે. 

સરકારે WhatsAppને જવાબ દેવા માટે સાત દિવસનો સમય આપ્યો છે. સરકારે જણાવ્યું કે જો સાત દિવસમાં WhatsApp તરફથી સંતોષકારક જવાબ ન મળ્યો તો તેની પર કાયદાકીય કાર્યવાહી કરવામાં આવશે.