આદુ અને ઈલાયચીવાળી ચા ખૂબ લોકપ્રિય છે. શિયાળાની સિઝનમાં લોકો આદુવાળી ચા પીવાનું વધુ પસંદ કરે છે. આ સાથે ઈલાયચીની ચાનુ સેવન ઉનાળામાં વધુ કરવામાં આવે છે. જો તમે પણ ચાના શોખીન છો તો અત્યારે સોશિયલ મીડિયામાં વાયરલ થઇ રહેલા આ વીડિયોને જોઈને તમે ખૂબ ખુશી અનુભવશો.
લ્યો બોલો ! અહીં નળમાંથી પાણી નહીં પરંતુ નિકળે છે ચા
નળમાંથી ગરમ-ગરમ ચા લોકો હોશે-હોશે પીવે છે
લોકો લાઈનમાં ઉભા રહીને લગાવે છે ચાની ચુસ્કી
આ નળમાંથી પાણી નહીં પરંતુ નિકળે છે ચા
કારણકે લોકો ઠંડીમાં ચા પીવાના બહાના આવશ્ય શોધે છે. એવામાં કોઈ પણ જગ્યાએ ફ્રી ચા મળી જાય તો કેવુ લાગે? હવે સવાલ થાય છે કે આવુ કોણ કરશે. અત્યારે સોશિયલ મીડિયામાં એક વીડિયો વાયરલ થઇ રહ્યો છે, જેને જોઈને દરેક લોકો હેરાન છે. ઈન્ટરનેટ પર વાયરલ થતા વીડિયોમાં જોઈ શકાય છે કે આ નળમાંથી પાણીની જગ્યાએ ચા નિકળી રહી છે. આ સાંભળીને તમે ચોંકી ગયા હશો. કારણકે તમે આજ સુધી નળમાંથી પાણી નિકળતુ જોયુ હશે. પરંતુ કદાચ જ તમે ચા નિકળતી જોઈ હશે? ઉલ્લેખનીય છે કે, આ વીડિયો પંજાબનો છે. વાયરલ થયેલા વીડિયોમાં તમે જોઈ શકો છો કે કેવીરીતે નળમાંથી ગરમ-ગરમ ચા લોકોને વહેંચવામાં આવી રહી છે અને લોકો લાઈનમાં ઉભા રહીને નળમાંથી ચા પી રહ્યાં છે. કેટલાંક લોકો આ વીડિયોને જોઈને હેરાન થયા તો કેટલાંક લોકો તેને ચાની દુકાન જણાવી રહ્યાં છે.
આ શાનદાર વીડિયોને ashwan_gharu નામના એકાઉન્ટ પરથી ઈન્સ્ટાગ્રામ પર શેર કરવામાં આવ્યો છે. જેને 13 લાખથી વધુ લોકોએ લાઈક કર્યો છે. એક યુઝરે વીડિયો પર કોમેન્ટ કરતા લખ્યું, ભાઈ જણાવો આ ચાની દુકાન ક્યા મળી રહી છે.