IT Raid / સમાજવાદી પરફ્યુમના વેપારી પાસે ગણ્યા ગણાય નહીં એટલા રૂપિયા, નોટો ગણવાના મશીન મંગાવવા પડયા

• સમાજવાદી પરફ્યૂમ બનાવનાર પિયૂષ જૈનના ઘરે રેડ
• 100 કરોડથી વધુની રોકડ રકમ મળ્યાની ચર્ચા
• પરફ્યુમના લોન્ચિંગમાં અખિલેશ યાદવ પણ હાજર

સમાજવાદી પરફ્યુમ બનાવતી કંપનીના પરિસરમાં GST ટીમના દરોડા પડ્યા હતા. સૂત્રોના જણાવ્યા અનુસાર અત્યાર સુધીમાં 150 કરોડની કરચોરીના પુરાવા મળ્યા છે. શેલ કંપનીઓ દ્વારા 100 કરોડથી વધુની લોન લેવાની વાત પણ સામે આવી છે. ઉલ્લેખનીય છે કે સમાજવાદી પરફ્યુમના લોન્ચિંગમાં અખિલેશ યાદવ પણ હાજર રહ્યા હતા. અને તેની ફેક્ટરી ડિમ્પલ યાદવના મતવિસ્તાર કન્નૌજમાં છે.

યુપીમાં DGGI ગુજરાત ટીમની મોટી રેડ

કરચોરીની અપેક્ષાએ, અમદાવાદ GST ઇન્ટેલિજન્સ ડિરેક્ટોરેટ જનરલ (DGGI) ની ટીમે ગુરુવારે સવારે પરફ્યુમ વેપારી પીયૂષ જૈનના ઘર, ફેક્ટરી, ઓફિસ, કોલ્ડ સ્ટોરેજ અને પેટ્રોલ પંપ પર દરોડા પાડ્યા હતા. આ કાર્યવાહી કાનપુર, કન્નૌજ, ગુજરાત, મુંબઈમાં આવેલી સંસ્થાઓ પર એક સાથે કરવામાં આવી હતી. 
પિયુષ જૈને એક મહિના પહેલા સમાજવાદી નામનું પરફ્યુમ પણ લોન્ચ કર્યું હતું. અધિકારીઓએ સ્થળ પરથી દસ્તાવેજો અને રોકડ જપ્ત કરી લીધી છે. પરફ્યુમ બિઝનેસમેન પિયુષ જૈન મૂળ કન્નૌજના છિપટ્ટીના છે. હાલ જુહી પોલીસ સ્ટેશન વિસ્તારના આનંદપુરીમાં રહે છે.

IT Raid at Samwadi party leader who launched Samajwadi perfume… 90 crore cash found and still counting… yahi asli samajwaad hai 😎 pic.twitter.com/7BUmlF0Jz0

— अंकित जैन (@indiantweeter) December 23, 2021

તેઓ સપના એક નેતાનાં નજીકના પણ છે અને કન્નૌજમાં એક પરફ્યુમ ફેક્ટરી, કોલ્ડ સ્ટોરેજ અને એક પેટ્રોલ પંપના માલિક પણ છે. તેમની પરફ્યુમ કંપનીનું હેડ ઓફિસ મુંબઈ સ્થિત છે અને ત્યાં એક ઘર પણ ધરાવે છે. ગુરુવારે સવારે મુંબઈની એક દ્વારા કાનપુરના અધિકારીઓ સાથે આનંદનગર સ્થિત ઘરે પહોંચીને આઅ છાપેમારી કરવામાં આવી હતી.

રોકડ રકમ ગણવા અનેક મશીનો મગાવાયા

તેઓ સાથે નોટ ગણવાના ચાર મશીન પણ સથે લાવ્યા હતા. છતાં ગણતરી મોડી રાત સુધી ચાલી હતી. મોટા મોટા કબાટ ભરીને પૈસા મળી આવ્યા હતા અને તેના ફોટોઝ પણ વાયરલ થયા હતા. 

દરોડામાં મોટી માત્રામાં મળી આવી રોકડ

આ દરોડામાં અંદાજિત 100 કરોડથી વધુની રોકડ રકમ મળ્યાની ચર્ચા છે અને 24 કલાકથી વધરે સમયથી આઅ પૈસાની ગણતરી ચાલી રહી છે. કરોડોમાં રોકડ રકમ હોવાથી મોડી રાત સુધી ગણતરી ચાલી હતી. ટીમ પોતાની સાથે 4 નોટ ગણવાના મશીન લઈ ગઈ છતાં પણ આટલા લાંબા સમય માટે ગણતરી ચાલી હતી.