કંપનીના ચીફ એચઆર ઑફિસર મિલિંદ લક્કડે કહ્યું કે આ દરમ્યાન કર્મચારીઓના પર્ફોમન્સનો વાર્ષિક રિવ્યુ પણ થયો અને તેમના પગારમાં સરેરાશ 5 થી 8 ટકાનો વધારો થયો છે. જ્યારે ટોપ કામ કરતા કર્મચારીઓને તેનાથી વધુ હાઈક આપવામાં આવી છે.
સૉફ્ટવેર કંપની TCS એ એપ્રિલ-જૂનના પરિણામ પણ જાહેર કર્યા
કંપનીનો પ્રોફિટ વધ્યો, નવા કર્મચારીઓને નોકરી પર રાખ્યા
ત્રણ મહિનામાં કંપનીએ 14,136 નવા કર્મચારીઓને કંપની પર રાખ્યા
TCS એ એપ્રિલ-જૂનના પરિણામ પણ જાહેર કર્યા
માર્કેટ કેપની દ્રષ્ટિએ દેશની બીજી સૌથી મોટી અને નંબર-1 સૉફ્ટવેર કંપની ટાટા કન્સલ્ટન્સી સર્વિસિસે એપ્રિલ-જૂનના પરિણામ પણ જાહેર કર્યા છે. આ દરમ્યાન કંપનીનો પ્રોફિટ વધ્યો છે. કંપનીએ મોટી સંખ્યામાં નવા કર્મચારીઓને નોકરી પર રાખ્યા છે. પરંતુ કંપનીમાંથી નોકરી છોડીને જનારા કર્મચારીઓની સંખ્યા પણ સારી છે.
TCS માં આટલા કર્મચારીઓ કંપનીમાં જોઈન થયા
કંપનીના એપ્રિલ-જૂન ત્રણ મહિનાના પરિણામો મુજબ 30 જૂન 2022ના રોજ તેના કર્મચારીઓની કુલ સંખ્યા 6.06 લાખ હતી. આ ત્રણ મહિનામાં કંપનીએ 14,136 નવા કર્મચારીઓને કંપની પર રાખ્યા. જેમાં પણ મહિલા કર્મચારીઓની સંખ્યા 35.5 ટકા રહી. જ્યારે મલ્ટીનેશનલ લેવલ પર કામ કરનારી TCSમાં 153 દેશોના નાગરિક કામ કરે છે.
આઈટી સેક્ટરમાં પેકેજ વધુ સારા
કંપનીએ જાણકારી આપી છે કે કોવિડ-19ના પ્રતિબંધો બાદ કંપનીએ પોતાના 'Work from Office' પ્રોગ્રામને ગતિ આપી છે અને અત્યારે 20 ટકા કર્મચારી ઓફિસમાંથી કામ કરી રહ્યાં છે. તો કંપનીની આઈટી સર્વિસમાં કામ કરતા કુલ કર્મચારીઓમાંથી નોકરી છોડીને જતા કર્મચારીઓની દર છેલ્લાં 12 મહિનાના આધારે 19.7 ટકા રહી છે. આઈટી સેક્ટરમાં કર્મચારીઓના એક કંપનીમાંથી બીજી કંપનીમાં જવાના દર સામાન્યથી વધુ હોય છે. જેના કારણે તેમને સતત સારી તક મળવી અને પહેલાથી વધુ પેકેજ મળવા આ બાબત છે. આ સેક્ટરમાં સ્કિલ્ડ એમ્પલોઈની ડિમાન્ડ હંમેશા રહે છે.
ઘણો વધ્યો TCSનો નફો
સમીક્ષા ક્વાર્ટરમાં કંપનીનો પ્રોફિટ પણ સારો વધ્યો છે. આંકડા મુજબ કંપનીનો એકીકૃત ચોખ્ખો નફો આ દરમ્યાન 5.2 ટકા વધીને 9478 કરોડ રૂપિયા થયો. જ્યારે તેના એક વર્ષ પહેલા આ સમયગાળામાં કંપનીનો નફો 9008 કરોડ રૂપિયા હતો. તો કંપનીની ઓપરેશનલ ઈનકમ પણ આ દરમ્યાન 16.17 ટકા વધી છે અને આ 52,758 કરોડ રૂપિયા રહી છે. જે ગયા વર્ષે આ મુદ્દતમાં 45,411 કરોડ રૂપિયા હતી.