ઇન્કમટેક્સ સત્તાવાળાઓએ જેટ એરવેઝ (Jet Airways) નાં પ્રસ્થાપક નરેશ ગોયલને ટેક્સચોરીના કેસમાં સમન્સ બજાવ્યા છે. આ મામલે સંકળાયેલાં સૂત્રોએ જણાવ્યું હતું કે એક એન્ફોર્સમેન્ટ એજન્સીએ બંધ થઇ ચૂકેલી એરલાઇન્સ જેટ એરવેઝમાં કહેવાતી ગેરરીિતઓ આચરવા બદલ નરેશ ગોયલ (Naresh Goyal) ને સમન્સ પાઠવ્યા છે. આ મામલાની તપાસ ફેબ્રુઆરીમાં પૂરી થઇ હતી અને તેનો રિપોર્ટ ઇન્કમટેક્સની એસેસમેન્ટ વિંગને મોકલી દીધો હતો. ઇન્કમટેક્સ ડિપાર્ટમેન્ટની ઇન્વેસ્ટિગેશન વિંગને જેટ એરવેઝ અને તેની દુબઇ સ્થિત ગ્રૂપ કંપનીઓ વચ્ચે થયેલા ટ્રાન્ઝેક્શનમાં મોટા પાયે ગેરરીતિઓ થઇ હોવાનું જણાયું હતું.
નવી દિલ્હીઃ ઇન્કમટેક્સ સત્તાવાળાઓએ જેટ એરવેઝ (Jet Airways) નાં પ્રસ્થાપક નરેશ ગોયલને ટેક્સચોરીના કેસમાં સમન્સ બજાવ્યા છે. આ મામલે સંકળાયેલાં સૂત્રોએ જણાવ્યું હતું કે એક એન્ફોર્સમેન્ટ એજન્સીએ બંધ થઇ ચૂકેલી એરલાઇન્સ જેટ એરવેઝમાં કહેવાતી ગેરરીિતઓ આચરવા બદલ નરેશ ગોયલ (Naresh Goyal) ને સમન્સ પાઠવ્યા છે. ઇન્કમટેક્સ ડિપાર્ટમેન્ટની તપાસ શાખાએ ગઇ સાલ એરલાઇનનાં મુંબઇ સ્થિત અખબારોમાં દરોડા દરમ્યાન કેટલાક દસ્તાવેજો જપ્ત કર્યા હતા.
650 કરોડની ટેક્સ ચોરીઃ
આ મામલાની તપાસ ફેબ્રુઆરીમાં પૂરી થઇ હતી અને તેનો રિપોર્ટ ઇન્કમટેક્સની એસેસમેન્ટ વિંગને મોકલી દીધો હતો. ઇન્કમટેક્સ ડિપાર્ટમેન્ટની ઇન્વેસ્ટિગેશન વિંગને જેટ એરવેઝ અને તેની દુબઇ સ્થિત ગ્રૂપ કંપનીઓ વચ્ચે થયેલા ટ્રાન્ઝેક્શનમાં મોટા પાયે ગેરરીતિઓ થઇ હોવાનું જણાયું હતું. તેની પાછળનું મકસદ રૂ.૬પ૦ કરોડની ટેકસચોરી કરવાનો હતો.
તપાસમાં એવું બહાર આવ્યું છે કે જેટ એરવેઝ દર વર્ષે દુબઇમાં પોતાના જનરલ સેલ્સ એજન્ટને કમિશનનું પેમેન્ટ કરતી હતી, જે ગ્રૂપ યુનિટનો એક ભાગ જ હતો. ઇન્કમટેક્સ એકટ હેઠળ કાયદેસર બિઝનેસ ટ્રાન્ઝેકશનની તુલનાએ આ લેવડ-દેવડ વધુ મોટી છે અને તેમાં સ્વીકાર્ય ખર્ચ ઉપરાંત અન્ય લેવડ-દેવડ ટેક્સની મર્યાદા બહાર હતી અને આ અંગે પૂછપરછ માટે ઇન્કમટેક્સ વિભાગે નરેશ ગોયલને સમન્સ મોકલ્યા છે.
વધુ એક તપાસની ભલામણઃ
જેટ એરવેઝ અને તેની ગ્રુપ કંપનીઓ વચ્ચે સંદિગ્ધ ટ્રાન્ઝેક્શન માટે ફક્ત ઈન્કમટેક્સ ડિપાર્ટમેન્ટની જ તપાસ કરે છે એવું નથી. પરંતુ સૂત્રોએ જણાવ્યા અનુસાર, મેમાં થયેલ રિપોર્ટ પ્રમાણે, મિનિસ્ટ્રી ઓફ કોર્પોરેટ અફેયર્સ (MCA), વેસ્ટર્ન રિઝને પણ ઘણા ટ્રાન્ઝેક્શનને સંદિગ્ધ દર્શાવ્યા હતાં. ઈન્કમટેક્સ ડિપાર્ટમેન્ટે જેટ એરવેઝનાં એકાઉન્ટ્સની તપાસ કર્યા બાદ એક વિસ્તૃત તપાસ કરવાની ભલામણી કરી.