રિફંડ / ઇન્કમટેક્સ વિભાગે કરદાતાઓને આપ્યું રિફંડ, તમે પણ કરી શકો છો આ રીતે સ્ટેટસ ચેક

પ્રાપ્ત મળતી વિગત અનુસાર ઇન્કમ ટેક્સ વિભાગે ટેક્સ રિફંડ પ્રતિ મિનીટ 76 કેસના હિસાબે કર્યું છે. 56 અઠવાડિયાના આ સમયગાળામાં સીબીડીટીએ 20.44 લાખથી પણ વધારે કેસમં ટેક્સ રિફંડ કરવામાં આવ્યું છે. 

આ સંદર્ભમાં ઇન્કમ ટેક્સે જણાવ્યું છે કે તેઓ ના માત્ર ટેક્સપેયર ફ્રેંડલી છે, પરંતુ કોરોના મહામારી જેવા મુશ્કેલ સમયમાં તેઓ કરદાતાઓને રૂપિયા પણ આપી રહ્યાં છે. કુલ ટેક્સ રિફંડમાં 23,453.57 કરોડ રૂપિયા 19,07,853 કરદાતાઓને આપવામાં આવ્યાં છે. જ્યારે 38,908.37 કરોડ રૂપિયા કોર્પોરેટ ટેક્સ 1,36,744 કેસમાં રિફંડ કરવામાં આવ્યાં છે. 

આ વર્ષે કોઇપણને ઇન્કમટેક્સ વિભાગને રિફંડને લઇને રિક્વેસ્ટ કરવી પડી નથી. સીબીડીટીએ કહ્યું કે બધા કરદાતાઓ તરત ઇમેલથી જવાબ આપે, એટલે જેને રિફંડ મળ્યું નથી, તેને તેનો લાભ મળી શકે. આ પ્રક્રિયા સંપૂર્ણ રીતે ઓનલાઇન કરી દેવામાં આવી છે. 

ઇન્કમટેક્સ વિભાગે જાહેરાત કરી હતી કે 1લી માર્ચ 2019થી માત્ર ઇ-રિફંડ જારી કરવામાં આવશે. આ માત્ર એ બેંક ખાતામાં જમા થશે જે પેન કાર્ડથી લિંક હશે. 

સ્થિતિ તપાસ કરવા માટેની રીત

• કરદાતા www.incometaxindiaefiling.gov.in પર પેન અને પાસવર્ડથી પોતાનું એકાઉન્ટ લોગઇન કરો
• હવે રિવ્યૂ રિટર્ન/ફોર્મ્સ પર ક્લિક કરો
• ડ્રોપ ડાઉન મેનુથી ઇન્કમ ટેક્સ રિટર્ન સિલેકટ કરો અને અસેસમેંટ વર્ષની પસંદગી કરો
• ત્યારબાદ ભરાઇ ગયેલા રિટર્ન ફોર્મથી સંબંધિત એક્નોલેજમેંટ નંબર પર ક્લિક કરો
• સામે જે પાનું ખુલે તેમાં રિટર્ન ભરવા અને ઇ-વેરિફિકેશનની તારીખ સાથે તમારા રિફંડ જારી કરવાની સ્થિતિ પણ જોવા મળશે. 

NSDL પર જાણો સ્થિતિ

• ઇન્કમટેક્સ વિભાગ તરફથી બેંકને રિફંડ મોકલ્યા બાદ 10 દિવસ બાદ ટિન NSDLની વેબસાઇટ પર સ્થિતિ જાણી શકાય
• જેના માટે કરદાતાએ https://tin.tin.nsdl.com/oltas/refundstatuslogin.html પર જવુ
• અહીં તમારા પેની વિગત અને અસેસમેંટ વર્ષ ટાઇપ કરો
• કેપ્ચા ભર્યા બાદ સબમિટ પર ક્લિક કરવો અને તમારી સ્ક્રીન પર તમને રિફંડની સ્થિતિ જાણવા મળશે.