રાજ્યમાં ITના દરોડાની કાર્યવાહી સતત ત્રીજા દિવસે પણ યથાવત રાખવામાં આવી છે. ITએ AGL કંપનીમાં સર્ચ હાથ ધર્યું હતું.
ત્રીજા દિવસે પણ ITના દરોડા
AGL કંપનીની ઇન્કમ ટેક્સ વિભાગનું સર્ચે
19 કરોડની બેનામી રકમ મળી આવી
ITના દરોડાની કાર્યવાહી ત્રીજા દિવસે યથાવત્
રાજ્યમાં ITએ સતત ત્રીજા દિવસે AGL કંપનીમાં સર્ચે કર્યું હતું. જેમાં વધુ 5 કરોડની રકમ મળી આવી છે. સાથે જ ફાઈનાન્સર સંકેત, રુચિત, દિપક શાહને ત્યાંથી 10 કરોડ મળ્યા હતા અને સુરતના શેર બ્રોકર ચિરાગ મોઢને ત્યાંથી 4 કરોડની રોકડ મળી હતી. જેથી ઈન્કમ ટેક્સ વિભાગની ટીમ મળેલી રકમ અંગે વિગતો મેળવી રહી છે. ઉપરાંત રોકડ રકમ માટેના વ્યવહારો અંગેની માહિતી પણ એકત્રિત કરાઇ રહી છે.ઉલ્લેખનીય છે કે, રાજ્યના 40 સ્થળોએ ઈન્કમ ટેક્સ કાર્યવાહી કરી રહ્યું છે. જેમાં સેજલ શાહના ઘર અને ઓફિસ બન્ને સ્થળોએ સર્ચ કરવામાં આવ્યું છે. ઈન્કમ ટેક્સ વિભાગ હવે ડેટા એનાલિસિસ અને ડોક્યુમેન્ટ્સના આધારે આગળની તપાસ હાથધરશે. સાથે આગામી દિવસોમાં લોકર્સની તપાસ પણ કરવામાં આવશે. આ અગાઉ અમદાવાદમાં પણ ITએ દરોડા પાડ્યા હતા
બે દિ' અગાઉ IT વિભાગે AGL Tiles કંપની સહિત એકસાથે 35થી 40 જગ્યાએ દરોડા પાડ્યા
અમદાવાદમાં ઘણા લાંબા સમય બાદ IT વિભાગે ગઇ કાલે AGL Tiles કંપની સહિત એકસાથે 35થી 40 જગ્યાએ દરોડા પાડ્યા હતાં. ત્યારે આજે પણ AGL કંપનીમાં 40 જગ્યાએ IT વિભાગનું સર્ચ ઓપરેશન યથાવત ધોરણે શરૂ છે. ફાઈન્સર સંકેત સાહ, રુચિત શાહ અને દિપક શાહને ત્યાં તપાસ હાથ ધરવામાં આવી રહી છે. સેજલ શાહને ત્યાં પણ IT દ્વારા તપાસનો ધમધમાટ શરૂ થઇ ગયો છે. નારાયણ નગર પાલડી ખાતેની ઓફિસમાં પણ દરોડા પાડવામાં આવ્યા છે.
ITને અત્યાર સુધી 10 કરોડ કેશ અને 12 લોકરો મળી આવ્યા
બીજી બાજુ પરિવાર સભ્ય કમલેશ પટેલ, મુકેશ, ભાવેશ અને સુરેશ પટેલને ત્યાં પણ તપાસ હાથ ધરવામાં આવી. કંપનીની અમદાવાદ, મોરબી, હિંમતનગર અને સુરત ઓફિસ પર પણ તપાસ
હાથ ધરવામાં આવી રહી છે. અદાણી શાંતિગ્રામ ખાતે AGL માલિકના રહેઠાણ પર પણ તપાસ હાથ ધરવામાં આવી. અમદાવાદની 30 જગ્યાએ સર્ચ ઓપરેશન સતત બીજા દિવસે ચાલુ છે. IT ની રેડમાં ITને અત્યાર સુધી 10 કરોડ કેશ અને 12 લોકરો મળી આવ્યા છે. 200 ઇન્કમટેક્સના અધિકારીઓ રેડમાં લાગેલા છે.
એશિયન ગ્રેનિટો ઈન્ડિયા લિમિટેડ ભારતની સૌથી મોટી ટાઇલ્સ બનાવતી કંપનીઓમાની એક
તમને જણાવી દઇએ કે, કમલેશ પટેલની માલિકીની એશિયન ગ્રેનિટો ઈન્ડિયા લિમિટેડ એ ભારતની સૌથી મોટી ટાઇલ્સ અને બાથવેર સોલ્યુશન્સ બ્રાન્ડ બનાવતી કંપનીઓમાની એક છે. મળતા અહેવાલ મુજબ, તપાસના અંતે હજુ પણ મોટા પ્રમાણમાં બેનામી હિસાબો સામે આવે તેવી શક્યતાઓ પણ સેવાઈ રહી છે.