સ્વાસ્થ્ય / લેડીઝ! માતૃત્વ ધારણ કરવા માટે રિલેક્સ રહેવું પણ જરૂરી છે

યુવા વર્ગમાં મોડા લગ્ન અને ફેમિલી પ્લાનિંગની પ્રવૃતિ પણ આ માટે જવાબદાર છે. આ બધાની સાથે સાથે સ્ટ્રેસ પણ એકઅવરોધકના રુપમાં સામે આવ્યુ છે. ચિંતાની વાત એ છે કે 21થી 30 વર્ષની કંસિવ કરવાની કુદરતી ઉંમરમાં પણ યુવા પેઢીપરેશાનીનો સામનો કરી રહી છે.

ગાયનેકોલોજિસ્ટ જણાવે છે કે માતૃત્વના સુખમાં સ્ટ્રેસ સૌથી મોટો અવરોધ છે. સ્ટ્રેસની પરિસ્થિતિમાં પાર્ટનરની નજીક જવાની પણ ઇચ્છા થતી નથી. ખાસ કરીને મહિલાઓમાં ઓવ્યુલેશન બાદ 48 કલાકનો સમય મહત્ત્વનો હોય છે. આ સમય ચુકી જઇએ તો આગામી ચક્ર સુધી રાહ જોવી પડે છે.

સ્ટ્રેસના કારણે મહિલાઓમાં પોલિસિસ્ટીક ઓવરી સિન્ડ્રોમની સમસ્યા થાય છે. જે ઇન્ફર્ટિલીટીનું મોટુ કારણ છે. ક્રોનિક સ્ટ્રેસ વિવાહિત કપલને બાયોકેમિકલ સ્તરે પ્રભાવિત કરે છે.

થોડી સાવધાની રાખો

- દ્રષ્ટિ બદલો- સ્ટ્રેસને તમારા પર હાવી ન થવા દો. જ્યારે સ્ટ્રેસ તમારી દિનચર્યાને પ્રભાવિત કરવા લાગે તો સાવધાન થઇ જાવ. એવી પ્રવૃતિઓ કરો જેમાં તમને ખુશી મળે. તમારે સ્વીકારવું જ પડશે કે સ્ટ્રેસ તમારો સૌથી મોટો દુશ્મન છે.

- સારી ઉંઘ લો- ઉંઘ રિજનરેટિવ છે. તેનાથી મન અને શરીરને આરામ મળે છે. ઉંઘની કમી શરીરમાં હોર્મોનનું સંતુલન બગાડી શકે છે અને ફર્ટિલીટી પર અવળી અસર કરે છે.

- રિલેક્સ રહો- તમે કંસીવ ન કરી શકતા હો તો એ વાતે અકળાઇ ન જાવ. ટેન્શન લેવાના બદલે રિલેક્સ રહો. પાર્ટનર સાથેના સંબંધો મજબુત રાખો. ઘરના તમામ સભ્યો સાથે હસી-ખુશીથી રહો. તમારા પાર્ટનર સાથે ટહેલવા નીકળો. IVF ટ્રીટમેન્ટ દરમિયાન રિલેક્સ મુડમાં રહેવાથી સફળતાના ચાન્સ વધી જાય છે.