તુર્કીના ઈસ્તાંબુલમાં આજે મોટો ધમાકો થયો હતો. આ વિસ્ફોટમાં 10 લોકો ઘાયલ થઈ ગયા છે. બ્લાસ્ટથી સમગ્ર વિસ્તારમાં હડકંપ મચી ગયો હતો.
તુર્કીમાં મોટો બ્લાસ્ટ થયો
બ્લાસ્ટના અવાજથી લોકોમાં અફરાતફરી મચી
આ વિસ્તારને ખાલી કરી રહ્યા છે લોકો
તુર્કીના ઈસ્તાંબુલમાં આજે મોટો ધમાકો થયો હતો. આ વિસ્ફોટમાં 10 લોકો ઘાયલ થઈ ગયા છે. બ્લાસ્ટથી સમગ્ર વિસ્તારમાં હડકંપ મચી ગયો હતો. ઘાયલોને સારવાર માટે હોસ્પિટલમાં લઈ જવામા આવ્યા હતા. આપને જણાવી દઈએ કે, આ બ્લાસ્ટ ઈસ્તાંબુલના Beyoglu જિલ્લામાં થયો હતો. બ્લાસ્ટ બાદ લોકોએ આ વિસ્તારને ખાલી કરી દીધો હતો. બ્લાસ્ટ શા કારણે થયો તેને લઈને કોઈ ઠોસ કારણ સામે આવ્યું નથી.
બ્લાસ્ટથી સમગ્ર વિસ્તારમાં અફરાતફરી મચી
અહીં ઉલ્લેખનીય છે કે, ઈસ્તાંબુલમાં થયેલા ધમાકાનો અવાજ દૂર સુધી સંભળાયો હતો. ધમાકાના અવાજથી લોકો ડરી ગયા હતા. બ્લાસ્ટના કારણે અફરાતફરીનો માહોલ થઈ ગયો હતો. બ્લાસ્ટના સમાચાર મળતા પોલીસ તાત્કાલિક ઘટનાસ્થળે પહોંચી અને રેસ્ક્યૂ ઓપરેશન શરૂ કરી દીધું હતું. લોકોને શાંતિ બનાવી રાખવા માટે અપીલ કરવામા આવી હતી.
તુર્કીના રક્ષામંત્રીએ કરી હતી જાહેરાત
આપને જણાવી દઈએ કે, તુર્કીના રક્ષામંત્રી હુલુસી અકરે સોમવારે જાહેરાત કરી હતી કે, તુર્કીના ઉત્તરી ઈરાકમાં લડાયકો વિરુદ્ધ એક નવો જમીની અને હવાઈ અભિયાન શરૂ કરવામાં આવશે. મંત્રાલયની વેબસાઈટ પર શેર કરવામા આવેલા વીડિયો મેસેજમાં અકર કહે છે કે, તુર્કીના વિમાન અને તોપ કુર્દિસ્તાન વર્કર્સ પાર્ટીના ઠેકાણાને ટાર્ગેટ બનાવી રહ્યા છે આ અગાઉ કમાંડો ટીમ હેલીકોપ્ટર દ્વારા જમીનથી પાડોશી દેશમાં એન્ટર થયા હતા. અભિયાનમાં ડ્રોનનો પણ ઉપોયગ થઈ રહ્યો છે.