કચ્છઃ ભુજ તાલુકાના બન્ની વિસ્તારમાં પાણી અને ઘાસચારાની સર્જાયેલી કટોકટીના લીધે પશુઓની હાલત કફોડી બની છે. તો પશુપાલકો પણ હિજરત કરવા મજબુર બન્યા છે. ઘાસડેપોની માંગ સાથે અપાયેલ ધરણાની ચીમકી બાદ પાંચ ઘાસડેપો શરૂ કરવાની કલેક્ટરે ખાત્રી આપી છે.
આ અંગેની વિગતો મુજબ બન્નીના લાખાબો સાડઈ સારગુ મોટા દેઢિયા બેરડોમાં ઘાસડેપો શરૂ કરવા છેલ્લા બે માસથી સતત અરજી કરાઈ રહી હતી. પરંતુ તંત્ર દ્વારા આ અરજીઓ પરત કરી દેવાતાં 15મી સુધી ઘાસડેપો શરૂ નહીં કરાય તો ધરણા યોજવાની ચીમકી ઉચ્ચારાઈ હતી.
ચીમકી મુજબ આગેવાનો ધરણા કરવા પહોંચ્યા હતા પરંતુ કલેક્ટરે સાંજ સુધીમાં ડેપો શરૂ કરવાની ખાતરી આપતા ધરણા માંડી વાળ્યા હતા.