બીલીમોરા પાલિકાના કારોબારી સેવા ધર્મને ભૂલીને અંડરવર્લ્ડ ડોન જેવું કર્યુ કામ થઇ ફરિયાદ

નગરસેવકના નામપર ધબ્બો લગાવતું કામ નવસારીના બીલીમોરા પાલિકાના કારોબારી અધ્યક્ષે કર્યું છે. સેવા ધર્મને ભૂલીને અંડરવર્લ્ડ ડોન જેવું કામ કર્યું છે. પોતાના જ ફોઈના દીકરાનું અપહરણ કરીને ઢોર માર માર્યાની ફરિયાદ ગણદેવી પોલીસ મથકે નોંધાય છે.

નવસારી જિલ્લાના ગણદેવી તાલુકામાં આવેલ બીલીમોરા પાલિકાના નગરસેવક અને મહત્વની ખુરસી પર બિરાજેલા હરીશ ઓડ માફિયાગીરી કરતો કિસ્સો બહાર આવ્યો છે. પોતાના જ ઘરના સગાસંબંધી સાથે રેતી કપચીના ધંધાને લઈને ઈર્ષા આવતા ગણદેવીના જલારામ મંદિર પાસે આવેલ અંબિકા અર્થ નામની ઓફિસેથી હરીશ ઓડે પોતાના સાગરીત સાથે અજય ઓડનું કિડનેપિંગ કરીને બીગરી ગામની શાંત જગ્યાએ લાકડાના ફટકાથી ઢોર માર્યાની ફરિયાદ નોંધાય છે. એટલાથી કામ ન પટાતા બીલીમોરાના ઓડ નગર પાસે એક શેડમાં ભરાઈને પણ ગુપ્ત માર મારવામાં આવ્યો હતો. નગર સેવકની ભૂમિકા ભૂલીને ગુંડાની ભૂમિકામાં આવેલા હરીશ ઓડ હાલ તો ફરાર થયો છે. પરંતુ ૭ સાગરીતમાંથી ૪ લોકોની પોલીસે ઘરપકડ કરીને તાપસ આદરી છે.

એક પ્રાઇવેટ કારમાં આવીને ગણદેવીના જલારામ મંદિર પાસે ફિલ્મી ઢબે કારમાં બેસાડીને જે રીતે અપહરણ કરવામાં આવ્યું છે. એ જોતા ધંધાની કેવી તીવ્ર હરીફાઈ હશે કે મામલો અપહરણ સાથે ઢોર માર સુધી પોહોંચ્યા સગાસંબંધીઓ આમને સામાને બાખડવા લગતા સમગ્ર મામલો પોલીસે પહોંચ્યો છે. પોલીસે ૪ લોકોની ઘરપકડ બાદ મુખ્ય આરોપી અને બીલીમોરા પાલિકાના માથાભારે ગણાતા હરીશ ઓડને ઝડપાવાના ચક્રો ગતિમાન કર્યા છે.

આવા અસામાજિક માનસિકતા ધરાવતા ભાજપના નગરસેવકોને ભાજપાએ પ્રોત્સાહન આપીને કારોબારી અધ્યક્ષ બનાવી આગળ વધારવાનો ચાન્સ આપ્યો છે. તેમ છતાં વાંદરો ગુલાંટ મારવાનું ભૂલતો નથી તેને અનુરૂપ કિસ્સો બન્યો છે. ત્યારે ભાજપ આવા તત્વોનો સામે લાલઆંખ કરશે કે નહિ જે નગરસેવક પોતાના સગાસંબંધીઓ સાથે સરખો રહી શકતો નથી એ પ્રજાનું શું ભલું કરશેની ચર્ચાઓ પણ ઉઠી છે.