ટેકનોલોજી / ગગનયાન પહેલાં ISRO અંતરીક્ષમાં મોકલશે મહિલા રોબોટ, જાણો શું છે ખાસ

• આ રોબોટ માનવની જેમ જ કાર્ય કરશે અને રીપોર્ટ પણ મોકલશે
• રોબોટ બે ભાષા સમજે છે
•  ગગનયાન મિશનમાં ISRO પ્રથમ વખત માનવયુક્ત અંતરીક્ષ યાન મોકલશે 

એક પ્રયોગનાં ધોરણે વ્યોમમિત્ર અવકાશમાં જશે

2022માં ગગનયાન મોકલવામાં આવશે તે પહેલાં આ રોબોટને રવાના કરી દેવામાં આવશે. ગગનયાનમાં એક પણ મહિલાને મોકલવામાં આવવાની નથી જેથી આ રોબોટને મહિલા જેવું રૂપ આપવામાં આવ્યું છે. ઈસરોના વૈજ્ઞાનિક સેમ દયાલે કહ્યું કે આ રોબોટ માનવની જેમ જ કાર્ય કરશે અને રીપોર્ટ પણ મોકલશે. તેમણે કહ્યું તેઓ આ એક પ્રયોગના રૂપમાં કરવામાં આવી રહ્યું છે. આ રોબોટ બે ભાષા સમજે છે. ઈસરોના પ્રમુખ સિવને ગયા વર્ષે જ કહ્યું હતું કે આ રોબોટ સંપૂર્ણ રીતે તૈયાર છે. 

ગગનયાન મિશન પહેલાં આ રોબોટને અંતરીક્ષમાં મોકલવામાં આવશે

ઇસરો પ્રમુખે જણાવ્યું હતું કે ગગનયાન મોકલ્યા પહેલા બે માનવરહિત મિશનમાં આ રોબોટને મોકલવામાં આવે આવશે. તેમણે કહ્યું હતું કે 'અમારું રોબોટ એક માનવ જેવું જ હશે અને માનવ જેવા લગભગ બધા જ કાર્ય કરવામાં સક્ષમ હશે, જોકે તે તદ્દન માનવ જેવા જ કાર્ય નથી કરી શકતું.' ઈસરો પાસે તેમનું પોતાનું રોબોટ છે જેને આ મિશન પર મોકલવામાં આવશે.

ગગનયાન મિશન પહેલાં આ રોબોટને અંતરીક્ષમાં મોકલવામાં આવશે. સિવને કહ્યું હતું કે આ વર્ષે યોજનાબદ્ધ રીતે માનવરહિત મિશન કરવાની જરૂર પડશે. આ પરીક્ષણમાં ક્રૂ એસ્કેપ મોડ્યુલ હેઠળ એર-ડ્રોપ પણ કરવામાં આવશે.