સેટેલાઇટ / ISRO ફરી રચશે ઇતિહાસ, માત્ર આટલા મિનિટમાં લોન્ચ કરશે 14 સેટેલાઇટ

• ISRO શ્રી હરિકોટા લોન્ચ પેડથી 27 નવેમ્બરે 14 ઉપગ્રહોને માત્ર 27 મિનિટમાં અંતરિક્ષમાં મોકલશે
• ISRO 27 નવેમ્બરની સવારે ભારતના PSLV રોકેટથી 14 ઉપગ્રહોને અંતરિક્ષમાં મોકલશે
• ISRO પોતાના PSLV-XL વેરિએન્ટની સાથે 14 ઉપગ્રહોને અંતરિક્ષમાં સ્થાપિત કરશે
   

તેમા મુખ્યત્વે ભારતના 1625 કિલોગ્રામનો કાર્ટોસેટ-3 ઉપગ્રહ હશે, જ્યારે અમેરિકાના 13 નેનો ઉપગ્રહ પણ તેમા મોકલવામાં આવશે. અમેરિકા આ કામ માટે ઇસરો ( ISRO )ની નવી વાણિજ્યિક શાખા - ન્યૂસ્પેસ ઇન્ડિયા લિમિટેડને ચુકવણી કરશે. 

પાંચ વર્ષો સુધી કાર્ય કરનારા કાર્ટોસેટ - 3 ઉપગ્રહને PSLV રોકેટ સૌથી પહેલા માત્ર 17 મિનિટમાં કક્ષામાં સ્થાપિત કરશે. ઇસરો અનુસાર, કાર્ટોસેટ-3 એક ત્રીજી પેઢીનું ઉપગ્રહ છે. આ હાઇ રિજોલ્યૂશન ઇમેજિંગની ક્ષમતા રાખે છે. ઉપગ્રહ શહેરી નિયોજન, ગ્રામ્ય સંસાધન અને પાયાગત ઢાંચાના વિકાસ, કિનારાની ભૂમિનો ઉપયોગ અને અન્યની માંગોની પૂર્તિ માટે તસવીર લઇ શકશે. 

ભારતીય ઉપગ્રહને સ્થાપિત કરવાની એક મિનિટ બાદ આ 13 અમેરિકી નેનો ઉપગ્રહમાંથી પહેલાને તેની કક્ષામાં સ્થાપિત કરાશે. પીએસએલવી રોકેટના ટેકઓફ કરવાની 26 મિનિટ અને 50 સેકેન્ડ બાદ આ અંતિમ ઉપગ્રહને તેમની કક્ષાઓમાં સ્થાપિત કરશે. 

ઇસરો અનુસાર, અમેરિકી નેનો ઉપગ્રહોમાંથી 12ને ફ્લોક-4પીના રુપે નામિત કરાયા છે. આ તમામ અર્થ ઓબ્ઝર્વેશન સેટેલાઇટ છે. ત્યારે 13મો ઉપગ્રહ એક કોમ્યુનિકેશન ટેસ્ટ બેઝ્ડ સેટેલાઇટ છે, જેનુ નામ મેશબેડ છે.