શ્રીહરિકોટાથી ISRO આજે લોન્ચ કરશે GSAT-7A વાયુસેનાને મળશે મદદ

ભારતીય અંતરિક્ષમાં ઈસરો વધુ એક ઉપગ્રહ લોન્ચ કરવા જઈ રહ્યું છે. ઈસરો આજે શ્રીહરિકોટા લોન્ચ પેડથી GSAT-7A લોન્ચ કરશે. GSLV-F11 રોકેટ દ્વારા Gsat-7Aને લોન્ચ કરવામાં આવશે.

આ કોમ્યુનિકેશન સેટેલાઈટ દ્વારા ભારતીય વાયુસેનાના તમામ ગ્રાઉન્ડ રડાર સ્ટેશન એરબેસ અને AWACS એક બીજા સાથે ઈન્ટરલિંક થઈ જશે. જેનાથી નેટવર્ક આધારિત વાયુસેનાની લડાઈની ક્ષમતા અનેકગણી વધી જશે.

Gsat-7Aથી માત્ર વાયુસેનાના એરબેસ જ ઈન્ટરલિંક નહીં થાય પણ ડ્રોન ઓપરેશનમાં પણ મદદ મળશે. મહત્વનું છે કે આ સેટેલાઈટ બનાવવા પાછળ 500થી 800 કરોડ રૂપિયાનો ખર્ચ કરાયો છે. તેમાં 4 સોલર પેનલ લગાવવામાં આવ્યા છે.

મહત્વનું છે કે ભારત પાસે અત્યાર સુધી 13 મિલીટરી સેટેલાઈટ છે. જેમાંથી મોટાભાગના સેટેલાઈટ રિમોટ સેંસિંગ સેટેલાઈટ છે. જેમાં કાર્ટોસેટ સિરીઝ અને રીસૈટ સેટેલાઈટ સામેલ છે. જે પૃથ્વી પરના ફોટોગ્રાફ્સ લેવામાં મદદગાર બને છે.

અંતરિક્ષની દુનિયામાં ભારત સતત કામયાબીનો ધ્વજ લહેરાવી રહ્યું છે. આજે એકવાર ફરી ભારતીય અંતરિક્ષ અનુસંઘાન સંગઠન (ISRO) નવો ઇતિહાસ રચશે.

ઇસરો આજે ભારતીય વાયુસેનાના જીએસટ-7એ સૈન્ય સંચાર ઉપગ્રહને લોન્ચ કરશે. આ સેટેલાઇટને ભારતીય વાયુસેના માટે એક મોટી સફળતા માનવામાં આવી રહ્યું છે.