ઇસરોની જાહેરાત / ટેકનિકલ ખામીના કારણે અટકેલું ચંદ્રયાન-2નું 22મી જુલાઇએ પ્રક્ષેપણ

ભારતીય અંતરિક્ષ અનુસંધાન સંગઠન અનુસાર ચંદ્રયાન-2નું પ્રક્ષેપણ 22 જુલાઇએ બપોરે 2:43 વાગ્યે કરવામાં આવશે. બતાવામાં આવી રહ્યું હતું કે જો ચંદ્રયાન-2નું પ્રક્ષેપણ ટાળી દેવામાં આવે છે તો સપ્ટેમ્બર અથવા ઓક્ટોબરમાં જ તેનું પ્રક્ષેપણ સંભવ બની શકે છે. તેનું કારણ લોન્ચ વિન્ડોનો સચોટ સમય છે. લોન્ચ વિન્ડો એ સમય હોય છે જ્યારે પૃથ્વીથી ચંદ્રનું અંતર ઓછુ હોય છે. અને પૃથ્વીની ચારેય તરફ ચક્કર લગાવનાર ઉપગ્રહો અને અંતરિક્ષમાં કચરા સાથે ટકરાવાની સંભાવના ખૂબ જ ઓછી હોય છે. 

Chandrayaan-2 launch, which was called off due to a technical snag on July 15, 2019, is now rescheduled at 2:43 pm IST on Monday, July 22, 2019. #Chandrayaan2 #GSLVMkIII #ISRO

— ISRO (@isro) July 18, 2019

આપને જણાવીએ કે ચંદ્રયાન-2નું પ્રક્ષેપણ 15 જુલાઇએ લોન્ચથી માત્ર 56.24 મિનિટ પહેલા રોકી દેવાયું હતું. ચંદ્રયાન-2ને 2.51 વાગ્યે સૌથી તાકાતવર રોકેટ GSLV-MK3 થી લોન્ચ કરવામાં આવવાનું હતું પરંતુ 56.24 મિનિટ પહેલા કાઉન્ટડાઉન રોકી દેવાયુ હતું.

ઇસરોના પ્રવક્તા બીઆર ગુરુપ્રસાદે ઇસરોની તરફથી નિવેદન આપ્યું હતું કે જીએસએલવી-એમકે3 લોન્ચ વ્હીકલ (રોકેટ)માં ખામી આવવાને કારણે પ્રક્ષેપણ રોકી દેવામાં આવ્યું.