યુવાઓ માટે ખાસ / અંતરિક્ષ વિભાગમાં કામ કરવાની સુવર્ણ તક, ISRO દ્વારા બહાર પાડવામાં આવી ભરતી

• અંતરિક્ષ વિભાગમાં કામ કરવા માટે આવી ભરતી 
• 7માં પગાર પંચ મુજબ પગાર મળશે
• પ્રવેશ પરીક્ષા/ઇન્ટરવ્યુથી ખાલી જગ્યાઓની ભરતી

છેલ્લા કેટલાક દાયકાઓથી અંતરિક્ષ વિભાગમાં માત્ર સરકારી નોકરીઓ જ ઉપલબ્ધ નથી. જો કે ખાનગી ક્ષેત્ર પણ આ ક્ષેત્રમાં આવી ગયું છે. જેના કારણે અંતરિક્ષ વિભાગમાં નોકરીઓની સંખ્યા હવે પહેલા કરતા વધારે થઈ ગઈ છે. તે એક ઉભરતું ક્ષેત્ર છે. યુવાનો હવે આ ક્ષેત્રમાં ઘણી રીતે મહાન કારકિર્દી બનાવી રહ્યા છે. ઇન્ડિયન સ્પેસ રિસર્ચ ઓર્ગેનાઇઝેશન (ISRO) ભારતમાં અવકાશના ક્ષેત્રમાં સૌથી વધુ નોકરીઓ પૂરી પાડે છે. આ સંસ્થામાં 7માં પગાર પંચ મુજબ પગાર આપવામાં આવે છે. ઈસરોએ સમગ્ર વિશ્વમાં અંતરિક્ષના ક્ષેત્રમાં ભારતનો ડંકો વગાડ્યો છે.

SDSC માં ભરતી
જો તમે અંતરિક્ષમાં નોકરી શોધી રહ્યા છો, તો સતીશ ધવન સ્પેસ સેન્ટર (SDSC) પર અરજી કરો. એસ.જી.એસ.સી.ની ભરતી પોસ્ટ ગ્રેજ્યુએટ શિક્ષક, પ્રશિક્ષિત સ્નાતક શિક્ષક અને પ્રાથમિક શિક્ષક માટે બહાર પાડવામાં આવી છે. તમે તમારી લાયકાત અનુસાર ખાલી જગ્યાઓ માટે અરજી કરી શકો છો. આ એક સોનેરી તક છે. કુલ 19 ખાલી જગ્યાઓ ભરવામાં આવશે.

જોબ લોકેશન તિરુપતિ રહેશે
ઉમેદવારોની પ્રવેશ પરીક્ષા / ઇન્ટરવ્યુમાં ખાલી જગ્યાઓની ભરતી માટે પસંદગી કરવામાં આવશે. તે ઇન્ટરવ્યૂના પરિણામ અનુસાર હશે. જેમની પસંદગી થશે તેમને 35,000 રૂપિયાથી લઈને 1 લાખ 51 હજાર રૂપિયા સુધીનો માસિક પગાર આપવામાં આવશે. જેમની પસંદગી કરવામાં આવશે તેમનું જોબ લોકેશન તિરુપતિ હશે. રસ ધરાવતા અને પાત્ર ઉમેદવારોએ 28 ઓગસ્ટ પહેલા અરજી ફોર્મ ભરવું જોઈએ.

નોકરી માટે કેવી રીતે અરજી કરવી?

1. સતિષ ધવન સ્પેસ સેન્ટરની સત્તાવાર વેબસાઇટ shar.gov.in મુલાકાત લો.
2. એસ.ડી.એસ.સી. એસ.એચ.એ.આર. ભરતી 2022 ની નોટિફિકેશન પર જાઓ.
3. નોટિફિકેશનમાં આપેલી દરેક માહિતી વાંચો અને પછી આગળ વધો.
4. ત્યારબાદ સત્તાવાર સૂચના દ્વારા એસ.ડી.એસ.સી.  shar ભરતી 2022 માટે અરજી કરો.

shar ની સ્થાપના 1971માં કરવામાં આવી
સતીશ ધવન સ્પેસ સેન્ટર આંધ્રપ્રદેશના શ્રીહરિકોટામાં સ્થિત છે અને ઇન્ડિયન સ્પેસ રિસર્ચ ઓર્ગેનાઇઝેશનનું લોન્ચિંગ સેન્ટર છે. એસ.ડી.એસ.સી. શારની સ્થાપના 1971 માં કરવામાં આવી હતી. ઈસરોની ઓફિશિયલ વેબસાઈટ પર સમયાંતરે જઈને તમે જોબ શોધી શકો છો.