મિશન / ISROના મંગળયાને મંગળના સૌથી મોટા ચંદ્ર 'ફોબસ'નો પાડ્યો ફોટો

ઇસરો (ISRO) આ ફોટા અંગેની જાણકારી આપતા જણાવ્યું છે કે 6 MCC ફ્રેમથી લેવામાં આવેલો આ ફોટો છે, અને આ એકદમ સ્પષ્ટ દેખાઇ રહ્યો છે. ઇસરોના જણાવ્યાં મુજબ આ ફોટામાં ભૂતકાળમાં ફોબોસ સાથે અથડાયેલા આકાશના ટુકડાઓની ટક્કરથી બનેલા વિશાળ ખાડા (સ્ટિકની ક્રેટર) પણ દેખાય છે. આ સ્લોવાસ્કી, રોશ અને ગ્રિલડ્રિગ છે.

આ મિશનનો ઉદ્દેશ્ય શરૂઆતમાં છ મહીના માટેને હતો પરંતુ ત્યારબાદ ઇસરોએ કહ્યું કે પૂરતો જથ્થામાં ઇંધણ હોવાના કારણે આ ઘણા વર્ષો સુધી સેવા આપવામાં સક્ષમ છે. ભારતે 24 સપ્ટેમ્બરમાં 2014ના માર્સ ઓર્બિટર મિશન (MOM) ને સફળથાપૂર્વક અંતરિક્ષમાં લાલ ગ્રહ (મંગળ)ની કક્ષામાં સ્થાપિત કરી દીધું હતું. આ ઉપલબ્ધિ પ્રથમ પ્રયત્નમાં જ મેળવી લીધી અને આ રીતે ભારત ત્યાં પહોંચનારા એક એલિટ ગ્રુપમાં સામેલ થઇ ગયું.
 

A recent image of the mysterious moon of Mars, Phobos, as captured by India's Mars Orbiter Mission

For more details visit https://t.co/oFMxLxdign@MarsOrbiter #ISRO pic.twitter.com/5IJuSDBggx

— ISRO (@isro) July 3, 2020

450 કરોડ રૂપિયા કિંમત થઇ

ઇસરોએ 5 નવેમ્બર 2013ના રોજ આંધ્ર પ્રદેશના શ્રી હરિકોટાથી પીએસએલવી રોકેટ દ્વારા તેનું પ્રક્ષેપણ કર્યું હતું. આ મિશનમાં અંદાજે 450 કરોડ રૂપિયાનું બજેટ વપરાયું હતું. મિશનનો ઉદ્દેશ્ય મંગળની સપાટી અને ખનિજોની સંરચનાનું અધ્યયન કરવાનું છે. તેનો ઉદ્દેશ્ય ત્યાંના વાયુમંડળમાં મિથનની તપાસ કરવાનો પણ છે. મિથેન મંગળ પર જીવનનો સંકેતક છે. 

માર્સ ઓર્બિટરમાં પાંચ વૈજ્ઞાનિક ઉપકરણ

માર્સ ઓર્બિટરમાં પાંચ વૈજ્ઞાનિક ઉપકરણ છે. લાઇમન અલ્ફા ફોટોમીટર (LAP), મીથેન સેંસર ફોર માર્સ (MSM), માર્સ એક્સોસ્ફેરિક ન્યૂટ્રલ કંપોજિશન એનાલાઇઝર (MENCA), માર્સ કલર કેમેરા (MCC)  અને થર્મલ ઇંફ્રારેડ ઇમેજિંગ સ્પેકટ્રોમીટર (TIS).