પ્રોજેક્ટ / 'મેક ઇન ઇન્ડીયા' સાથે જોડાશે ઇસરો, PSLVને લઇ ઘડ્યો આ માસ્ટર પ્લાન

કે. સિવને એક ખાનગી ન્યૂઝ પેપર સાથેની વાતચીતમાં જણાવ્યું કે, 'અમે એક્સપ્રેસ ઑફ ઇંટરેસ્ટની માંગ કરી છે અને કોઇ પણ વિદેશી કંપની આને માટે અરજી ના કરી શકે. આ પગલાંથી સરકારનાં 'મેક ઇન ઇન્ડીયા'નાં (make in india) પ્રયાસને ખૂબ મજબૂતી મળશે.'

દશકાઓથી અંતરિક્ષ વિજ્ઞાનની દિશામાં કામ કરી રહેલ ઇસરોએ પોતાની 50મી વર્ષગાંઠમાં આ મોટું પરિવર્તન કર્યુ છે. વિક્રમ સારાભાઇ સ્પેસ સેન્ટરથી એક સીનિયર અધિકારીએ જણાવ્યું કે, એક PSLV સંપૂર્ણ રીતે તૈયાર કરવામાં 200 કરોડ રૂપિયા સુધીનો ખર્ચ થાય છે. એનો એ અર્થ સ્પષ્ટ છે કે 5 PSLV તૈયાર કરવા માટે ઇસરો કંપનીઓને ઓછામાં ઓછાં 1,000 કરોડ રૂપિયાની ડીલ આપવા જઇ રહેલ છે.

જો કે કે. સિવને PSLV તૈયાર કરવા પર આવનારા ખર્ચને લઇને કોઇ પણ કોમેન્ટ નથી કરી. સ્પેસ એજન્સીની નવી કોમર્શિયલ યૂનિટ ન્યૂ સ્પેસ ઇન્ડીયા લિમિટેડને ઇન્ડસ્ટ્રીને ટેક્નોલોજી ટ્રાન્સફરની જવાબદારી આપવામાં આવી છે. છ મહીનાથી કામ કરી રહેલ આ યૂનિટને અન્ય અનેક જવાબદારીઓ સાથે જ ભારતીય ઇન્ડસ્ટ્રીનાં સહયોગથી PSLV તૈયાર કરાવવાની પણ જવાબદારી આપવામાં આવી છે.