ISROનું સૌથી ભારી રૉકેટ હવે લૉન્ચ થવા તૈયાર છે. તે હરિકોટા સ્થિત સતીશ ધવન સ્પેસ સેન્ટરનાં લોન્ચપેડ પર ગોઠવી દેવામાં આવ્યું છે. આ રૉકેટ પોતાના ઉપરી ભાગમાં બ્રિટીશ કંપનીનાં 36 સેટેલાઇટ લઇ જઇ રહ્યો છે. આ વખતની લોન્ચીંગ અતિ મહત્વપૂર્ણ સાબિત થઇ શકે છે કારણ કે આ રોકેટ 2019 બાદ હવે 4 વર્ષ બાદ લોન્ચ થવાનું છે.
4 વર્ષ બાદ લૉન્ચ થશે ભારતનું સૌથી ભારે રૉકેટ
બ્રિટનની 36 સેટેલાઇટ લઇ જશે LVM- 3
હરિકોટામાં આવેલ સ્પેસસેન્ટરથી થશે લૉન્ચિંગ
ISRO ROCKET LAUNCH: ભારતિય અંતરિક્ષ રિસર્ચ સંગઠન દિવાળીના એક દિવસ પહેલાં પોતાનો સૌથી ભારી રૉકેટ લૉન્ટ કરવા જઇ રહી છે. આ રૉકેટની મદદથી બ્રિટિશ સ્ટાર્ટ અપ કંપની 'વનવેબ' પોતાનો સેટેલાઇટ અંતરિક્ષમાં છોડશે. આ સેટેલાઇટ દુનિયામાં અંતરિક્ષથી ઇન્ટરનેટની સુવિધા પ્રદાન કરવાની છે. આ કંપનીમાં શેર હોલ્ડર ભારતની 'ભારતી એન્ટરપ્રાઇઝ' કંપની એટલે કે એરટેલવાળી કંપની છે.
રૉકેટનું નામ છે લૉન્ચ વ્હીકલ માર્ક-3
ઇસરો દ્વારા લૉન્ચ થનાર આ રૉકેટનું નામ છે, લૉન્ચ વ્હીકલ માર્ક- 3 ( LVM- 3). જેને પહેલાં તેને 'જિયોસિંક્રોન્સ લૉન્ચ વ્હીકલ માર્ક-3'થી ઓળખવામાં આવતું હતું. આ રૉકેટમાં વનવેબના 36 સેટેલાઇટ જઇ શકે છે. આ સમગ્ર મિશનનું નામ LVM3-M2/OneWeb India-1 Mission. આ રૉકેટનું લોન્ચિંગ 23 ઑક્ટોબર 2022નાં સવારે સાત વાગ્યે શ્રી હરિકોટાના સ્પેસપોર્ટ પર થશે.
અધિકારીઓ એ આપી માહિતી
ઇસરોનાં અધિકારીઓએ કહ્યું કે રૉકેટનાં ક્રાયો સ્ટેજ, ઇક્વિપમેન્ટનની બે અસેમ્બલી પૂરી થઇ ચૂકી છે. સેટેલાઇટને રૉકેટનાં ઉપરી ભાગમાં લગાવી દેવાયું છે જેની છેલ્લી ચેકિંગ ચાલુ છે.
વનવેબની ઇસરો સાથે થઇ હતી ડીલ
વનવેબની ઇસરો સાથે જે ડીલ થઇ છે કે ઇસરો આવી 2 લૉન્ચિંગ કરશે. એટલે કે 23 ઑક્ટોબરની લૉન્ચિંગ બાદ વધુ એક લૉન્ચિંગ થશે . આ બીજી લૉન્ચિંગ અનુમાન અનુસાર આવનારાં વર્ષના જાન્યુઆરી મહિનામાં થઇ શકે છે. તેના દ્વારા લૉન્ચ થયેલ સેટેલાઇટ્સને ધરતીના નીચલા ભાગની કક્ષામાં મુકવામાં આવશે. આ બ્રોડબેન્ડ કોમ્યુનિકેશન સેટેલાઇટ્સ છે જેનું નામ વનવેબ લિયો રાખવામાં આવ્યું છે. LVM-3 રૉકેટની આ પ્રથમ વ્યવસાયિક ઉડાન છે.