કહેવાય છે કે એક તસવીર 1000 શબ્દો બરાબર હોય છે. આવી જ એક તસવીર છે એ તારીખની જે અંતરિક્ષ વિજ્ઞાનના ઇતિહાસમાં નોંધવામાં આવી. 7 સપ્ટેમ્બરે ઇસરોના મૂન મિશન ચંદ્રયાન 2 ના વિક્રમ લેન્ડરની ચંદ્ર પર લેન્ડિંગની તસવીર સામે આવી. જે સ્પષ્ટપણે કહી રહી છે કે પૃથ્વી સ્થિત ઇસરો સેન્ટરનો વિક્રમ લેન્ડર સાથે સંપર્ક 335 મીટરની ઉંચાઇ પર તુટ્યો હતો, 2.1 કિમીની ઉંચાઇ પર નહીં.
જે સમયે વિક્રમ લેન્ડિંગ કરી રહ્યું હતું, તેની ડિટેલ ઇસરોના મિશન ઓપરેશન કોમ્પ્લેક્સ (MOX)ની સ્ક્રીન પર એક ગ્રાફના રૂપે દેખાઇ રહી હતી. આ ગ્રાફમાં ત્રણ રેખાઓ બતાવાઇ હતી. જેમાંથી વચ્ચે વાળી રેખા પર ચંદ્રયાન 2નું વિક્રમ લેન્ડર પોતાના રસ્તે આગળ વધી રહ્યું હતું. આ લાઇન લાલ રંગની હતી. આ વિક્રમ લેન્ડર માટે ઇસરો વૈજ્ઞાનિકો દ્વારા નક્કી કરવામાં આવેલ પૂર્વ નિર્ધારિત માર્ગ હતો. જ્યારે, વિક્રમ લેન્ડરનો રિયલ ટાઇમ પાથ ગ્રીન રંગની લાઇનમાં દેખાઇ રહ્યો હતો. આ ગ્રીન લાઇન પહેલાથી નક્કી લાલ લાઇન ઉપર બની રહી હતી.
હવે ગ્રાફને ધ્યાનથી જોતા આપને જાણવા મળશે કે 4.2 કિમી ઉપર પણ વિક્રમ લેન્ડરના રસ્તામાં થોડો બદલાવ આવ્યો હતો. પરંતુ તે ઠીક થઇ ગયું હતું. પંરતુ, 2.1 કિમીની ઉંચાઇ પર વિક્રમ નક્કી રસ્તાથી અલગ દિશામાં ચાલવા લાગ્યું. આ દરમિયાન તે ચંદ્રની સપાટી તરફ 59 મીટર પ્રતિ સેકન્ડ (212 કિમી/સેક્ન્ડ)ની ગતિથી નીચે આવી રહ્યું હતું.
400 મીટરની ઉંચાઇ સુધી આવતા વિક્રમ લેન્ડરની ગતિ એ સ્તરે પહોંચી ગઇ હતી, જેમા તેને સોફ્ટ લેન્ડિંગ કરવાની હતી. એ પહેલાથી નક્કી કરવામાં આવ્યું હતું કે 400 મીટરથી 10 મીટરની ઉંચાઇ પર વિક્રમ લેન્ડર 5 મીટર પ્રતિ સેકન્ડની ગતિથી નીચે આવશે. 10થી 6 મીટરની ઉંચાઇ સુધી 1 અથવા 2 મીટર પ્રતિ સેકન્ડની ગતિથી નીચે લાવવામાં આવશે. અંતે ઝીરો ગતિ કરાશે.
ચંદ્ર પર ઉતરવા મટે 15 મિનિટના નક્કી કાર્યક્રમ દરમિયન વિક્રમ લેન્ડરની ગતિ 1680 મીટર પ્રતિ સેકન્ડ એટલે કે 6048 કિમી પ્રતિ કલાકથી ઘટીને ઝીરો મીટર પ્રતિ સેકન્ડ કરવાની હતી. બસ, 13મી મિનિટમાં મિશન ઓપરેશન કોમ્પ્લેક્સની સ્ક્રીન પર બધુ જ રોકાઇ ગયું. ત્યારે વિક્રમની ગતિ 59 મીટર પ્રતિ સેકન્ડ હતી, ચંદ્રની સપાટીથી તે 335 મીટરની ઉંચાઇ પર ગ્રીન રંગના એક ડોટ બની ગયું. અને વિક્રમથી સંપર્ક તુટી ગયો. વિક્રમ લેન્ડર ચંદ્રની સપાટીથી ટકરાઇ ગયું. જોકે, ઇસરોના વૈજ્ઞાનિક આશા છોડી નથી, તે વિક્રમ લેન્ડરનો સંપર્ક સાધવાનો પ્રયાસ કરી રહ્યા છો.