ઇસરોએ ચંદ્રયાન -2 ના ઓર્બિટર હાઇ રિઝોલ્યુશન કેમેરા સાથે લીધેલ ફોટોગ્રાફ જાહેર કર્યો છે. આ ઉચ્ચ રીઝોલ્યુશન કેમેરાએ ચંદ્રની તસવીર લીધી છે. આ તસવીરમાં ચંદ્રની સપાટી પર મોટા અને નાના ખાડાઓ જોવા મળી રહ્યા છે.
ઓર્બિટરે ચંદ્રની લીધી તસવીર
ISRO એ આપી જાણકારી
ભારતના મહત્વકાંક્ષી મૂન મિશન ચંદ્રયાન-2ના વિક્રમ લેન્ડરની સોફ્ટ લેન્ડિંગ ભલે સફળ ના રહ્યુ હોય પરંતુ ઓર્બિટરે ચંદ્ર પર સોડિયમ, કેલ્શિયમ, અલ્ય્મૂનિયમ, સિલિકૉન, ટાઇટેનિયમ અને આયરન શોધી નીકાળ્યા. ISRO એ આ મહત્વની જાણકારી આપી છે.
ISRO એ કહ્યુ કે, ઓર્બિટરમાં રહેલા 8 પોલેડે આ ધાતુઓ અંગે માહિતી મોકલી છે. ઈસરોએ માહિતી આપી કે પેલોડ પોતાનું કામ ઘણી સારી રીતે કરી રહ્યા છે. ચંદ્રની સપાટી પર ચાર્જ પાર્ટિકલ્સની તપાસ કરી રહ્યા છે. અત્યારે સૂર્ય બીજા સમયની સરખામણીએ ખૂબ જ શાંત અવસ્થામાં છે.
ચુંબકીય ક્ષેત્રથી થાય છે પ્રભાવિત
ભારતીય વિજ્ઞાન સંસ્થાન બેંગ્લોરના ફિઝિક્સના સહાયક પ્રોફેસરે જણાવ્યુ કે, મેગ્રેટોસ્ટફીયરમાંથી પસાર થતી વખતે કણોમાં તીવ્રતા અલગ અલગ હોય તો જાણ થઈ જાય છે. સૌર હવા આ કણોને અલગ અલગ રીતે રિલીઝ કરે છે અથવા તે પૃથ્વીના ચુંબકીય ક્ષેત્રથી પ્રભાવિત થાય છે.
તાજેતરમાં અમેરિકન સ્પેસ એજન્સી નેશનલ એરોનોટિક્સ એન્ડ સ્પેસ એડમિનિસ્ટ્રેશન (NASA) એ દાવ કર્યો છે કે, લેંડર વિક્રમનું ચંદ્રની સપાટી પર હાર્ડ લેંડિંગ થયુ હતુ. NASA એ જ્યાં વિક્રમ લેન્ડિંગ કર્યુ હતુ ત્યાંના ફોટોઝ રિલીઝ કર્યા હતા. NASA એ ગુરુવારે ચંદ્રની સપાટીની ફોટો રિલીઝ કર્યો હતો.