તમારા કામનું / ISRO માં બમ્પર ભરતી: ગ્રેજ્યુએટ થયેલા યુવાનો માટે ગોલ્ડન ચાન્સ, જાણો કઈ રીતે કરશો આવેદન

• ગ્રેજ્યુએટ થયેલા યુવાનો માટે ગોલ્ડન ચાન્સ
• ISRO માં બહાર પડી બમ્પર ભરતી
• જાણો કઈ રીતે કરશો અરજી 

ISROમાં નોકરી શોધી રહેલા ઉમેદવારો માટે સારા સમાચાર છે. ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ આસિસ્ટન્ટ, જુનિયર પર્સનલ આસિસ્ટન્ટ જેવી વિવિધ જગ્યાઓ પર ભરતી (ISRO Recruitment 2022) ની સૂચના બહાર પાડી છે. આ ભરતી દ્વારા કુલ 526 જગ્યાઓ ભરવામાં આવશે. 

કોઈપણ ઉમેદવાર કે જેઓ આ જગ્યાઓ (ISRO Vacancy 2022) માટે ભરતી માટે અરજી કરવા માંગે છે તેઓ સત્તાવાર વેબસાઇટ www.isro.gov.in પર જઈને તેમનું અરજી ફોર્મ ભરી શકે છે. તમને જણાવી દઈએ કે અરજી કરવાની છેલ્લી તારીખ 9 જાન્યુઆરી 2023 છે.

વેકેન્સી ડિટેલ્સ 
ISRO Recruitment 2022 માટે કુલ 526 પદો પર ભરતી કરવામાં આવશે. 

જરૂરી તારીખ 

• ઓનલાઇન અરજીની તારીખ - 20 ડિસેમ્બર 2022
• અરજી કરવાની છેલ્લી તારીખ - 9 જાન્યુઆરી 2023

શૈક્ષિક લાયકાત 
કોઈપણ ઉમેદવાર જે આ પોસ્ટ્સ માટે અરજી કરવા માંગે છે તેની પાસે કોઈપણ માન્ય યુનિવર્સિટીમાંથી 60% ગુણ સાથે સ્નાતકની ડિગ્રી હોવી જરૂરી છે. શૈક્ષણિક લાયકાત વિશે વધુ માહિતી મેળવવા માટે નીચે આપેલ લિંક પર ક્લિક કરો અને ભરતી નોટિફિકેશન વાંચો. 

વય મર્યાદા 
અરજી કરનાર ઉમેદવારોની ઓછામાં ઓછી વય મર્યાદા 18 વર્ષ અને મહત્તમ વય મર્યાદા 28 વર્ષ હોવી જોઈએ. તમને જણાવી દઈએ કે અનામત કેટેગરીના ઉમેદવારોને ઉંમરમાં છૂટછાટ આપવામાં આવશે.

સિલેક્શન પ્રોસેસ 
ધ્યાન આપો કે પસંદ કરાયેલ ઉમેદવારોએ લેખિત પરીક્ષા, સ્કિીલ ટેસ્ટ, ડોક્યુમેન્ટ વેરિફિકેશન અને મેડિકલ એક્ઝામિનેશનની પ્રક્રિયામાંથી પસાર થવું પડશે.

અરજી ફી
અરજી કરનાર જનરલ, OBC અને EWS કેટેગરીના ઉમેદવારોએ અરજી ફી તરીકે રૂ. 100 ચૂકવવાના રહેશે. જ્યારે SC, ST, PWD અને મહિલા વર્ગના ઉમેદવારોએ કોઈપણ અરજી ફી ચૂકવવાની રહેશે નહીં.