કોરોનાની અસરના કારણે ગગનયાનના લોન્ચિંગ કાર્યક્રમમાં ફેરફાર કરવામાં આવ્યો. વર્ષ 2024ના અંત સુધીમાં ઈસરો (ISRO) ગગનયાન લોન્ચ કરવાની યોજના છે.
• કોરોનાની અસરના કારણે ગગનયાન લોન્ચિંગ કાર્યક્રમમાં ફેરફાર.
• 2024ના અંત સુધીમાં ગગનયાન લોન્ચ કરવાની યોજના.
• ગગનયાન સંબંધિત તમામ ડિઝાઈન પૂર્ણ.
સરકારે બુધવારે જણાવ્યું છે કે, કોરોનાની અસરના કારણે ગગનયાનના લોન્ચિંગ કાર્યક્રમમાં ફેરફાર કરવામાં આવ્યો છે. વર્ષ 2024ના અંત સુધીમાં ઈસરો (ISRO) ગગનયાન લોન્ચ કરવાની યોજના બનાવી રહ્યું છે. સરકારે જણાવ્યું છે કે, મહામારીની અસર અને લોકડાઉન પછી ગગનયાન સંબંધિત તમામ ડિઝાઈન પૂર્ણ કરી લેવામાં આવી છે, હવે લોન્ચ કરવા માટેનું આયોજન કરવામાં આવી રહ્યું છે. રાજ્યમંત્રી ડૉ. જિતેન્દ્ર સિંહે લોકસભામાં એક લેખિત ઉત્તરમાં જણાવ્યું હતું કે, ગગનયાનના પ્રથમ કર્મી યુક્ત મિશનને વર્ષ 2022માં લોન્ચ કરવાનું લક્ષ્ય હતું.
ડૉ. જિતેન્દ્ર સિંહે જણાવ્યું હતું કે, લોકડાઉનને કારણે વિદેશી સ્ત્રોતમાંથી રૉ મટીરિયલની આપૂર્તિમાં અડચણ અને ઈન્ડસ્ટ્રી પાસેથી હાર્ડવેર મળવામાં વધુ સમય લાગતા લોન્ચિંગના કાર્યક્રમમાં ફેરફાર કરવામાં આવ્યો છે. ડૉ. જિતેન્દ્ર સિંહે કેસિનેની શ્રીનિવાસના પ્રશ્નનો લેખિતમાં જવાબ આપ્યો છે. આ ઉત્તરમાં તેમણે જણાવ્યું છે કે, લોકડાઉન પછી વિભિન્ન કાર્ય કેન્દ્રમાં ગગનયાન સંબંધિત એક્ટિવિટીમાં પ્રગતિ થઈ છે. અંતરિક્ષ વિભાગે ડિઝાઈન, ગુણવત્તા તથા માનવ અનુકૂલન પ્રમાણન તથા ખરીદ સમિતિઓની સ્થાપના માટે ઈસરોના તમામ કેન્દ્રોમાં વિશેષ દળનું ગઠન કરવામાં આવ્યું છે. આ ગઠનની મદદથી ગગનયાનના મિશનને પૂર્ણ કરવા માટે વિવિધ પગલાં લેવામાં આવ્યા છે.
ડૉ. જિતેન્દ્ર સિંહે જણાવ્યું છે કે, લોકડાઉન પછી ગગનયાન સંબંધિત વિભિન્ન પ્રણાલીઓની ડિઝાઈન પૂર્ણ થઈ ગઈ છે. ગગનયાનને હવે લોન્ચ કરવા માટે આયોજન કરવામાં આવી રહ્યું છે. મે 2023માં રોકેટ મિશન, ટીવી-ડી1 લોન્ચ કરવામાં આવશે. વર્ષ 2024ના પહેલા ક્વાર્ટરમાં રોકેટ મિશન, ટીવી-ડી2 લોન્ચ કરવામાં આવશે, ત્યારબાદ ગગનયાનનું પ્રથમ ચાલક દળ રહિત મિશન LVM3-G1 લોન્ચ કરવામાં આવશે.
વધુમાં ડૉ. જિતેન્દ્ર સિંહ જણાવે છે કે, ત્યારબાદ રોબોટિક પેલોડ સાથે યાન મિશનની બીજી સીરિઝ (ટીવી-ડી3 અને ડી4) ઉપરાંત LVM3-G2 મિશન લોન્ચ કરવા માટેની યોજના બનાવવામાં આવી રહી છે. સફળ પરીક્ષણ યાન અને ચાલક દળ મિશનના પરિણામના આધારે વર્ષ 2024ના અંત સુધીમાં ચાલક દળ મિશન મોકલવાની યોજના બનાવવામાં આવી રહી છે.