નિવેદન / ઈઝરાયલી પ્રધાનમંત્રી નેતન્યાહુએ ન લીધું ભારતનું નામ, પણ એક દેશને કારણે થઈ શરમજનક સ્થિતિ

• ઈઝરાયલી પ્રધાનમંત્રી બેન્જામિન નેતન્યાહુએ મિત્ર દેશોનો માન્યો આભાર
• આભારમાં મિત્ર દેશોના ઝંડા ઉમેર્યાં
• પણ ભારતનો ઝંડો જોવા ન મળ્યાં
• લોકોએ પૂછ્યું સર, ભારતનો ઝંડો પણ ઉમેરી લેવા હતો ને

ઈઝરાયલી પ્રધાનમંત્રીએ રવિવારે આ ટ્વિટ કર્યું અને તેમાં તેમણે મિત્ર દેશોનો આભાર માન્યો પરંતુ ચોંકાવનારી વાત એ છે તેમા ભારતનો નામનો સમાવેશ નથી.નેતન્યાહુએ તમામ મિત્ર દેશોના રાષ્ટ્રધ્વજ પણ ટ્વિટમાં સામેલ કર્યાં હતા, તેમાં પણ ભારતનો ઝંડો ગાયબ હતો. 

🇺🇸🇦🇱🇦🇺🇦🇹🇧🇦🇧🇷🇧🇬🇨🇦🇨🇴🇨🇾🇨🇿🇬🇪🇩🇪🇬🇹🇭🇳🇭🇺🇮🇹🇱🇹🇲🇩🇳🇱🇲🇰🇵🇾🇸🇮🇺🇦🇺🇾
Thank you for resolutely standing with 🇮🇱 and supporting our right to self defense against terrorist attacks.

— Benjamin Netanyahu (@netanyahu) May 15, 2021

એક બાજુ ઈઝરાયલ ભારતના મિત્ર હોવાનો સતત દાવો કરી રહ્યો છે તો બીજી તરફ આ પ્રસંગે ઈઝરાયલ ભારતને ભૂલી ગયો. આ મુદ્દે સોશિયલ મીડિયા પર ઈઝરાયલ પર ભારે પસ્તાળ પડી હતી અને ઈઝરાયલને લોકોને ખુબ ટ્રોલ કર્યાં હતા.

મિત્ર દેશોના ઝંડા ટ્વિટ કર્યા બાદ લોકો ઈઝરાયલી પ્રધાનમંત્રીને પૂછવા લાગ્યાં કે આમાં ભારતનો ઝંડો ક્યાં છે.

એક યુઝરે લખ્યું કે સર કૃપા કરીને ભારતનો ઝંડો પણ ઉમેરો. ભારતના લોકો હમેંશા ઈઝરાયલને ટેકો આપે છે. બીજા યુઝરે કહ્યું કે ભારતે સત્તાવાર રીતે ઈઝરાયલને સમર્થન આપ્યું નથી પરંતુ અહીંના લોકો ઈઝરાયલની સાથે છે. ત્રીજા એક યુઝરે કહ્યું કે આમાં ભારતીય ઝંડો દેખાતો નથી પરંતુ નેતન્યાહૂ ઈઝરાયલ પરના ભારતીય લોકોના પ્રેમને સમજે છે.