ઇઝરાયલ કેરીનાં ઉત્પાદનમાં દુનિયાભરમાં પહેલા સ્થાને છે એવું કેમ છે તે સમજવા માટે નાસિકના જનાર્દન વાઘેરેએ પોતાની ૧૦ એકરની જમીનમાં એક પ્રયોગ કર્યો. તેમણે આ પ્રયોગ કેસર કેરી પર કર્યો. જનાર્દનના જણાવ્યા મુજબ ઇઝરાયલની ટેક્નિકથી લગાવાયેલા ઝાડમાં પ્રતિ એકર ત્રણ ટન કેરીનું ઉત્પાદન થયું.
જનાર્દન વાઘેરે ખેડૂત હોવાની સાથે સાથે નાસિકમાં મેંગો ફાર્મના માલિક છે. તેમણે જણાવ્યું કે ઇઝરાયલમાં કેરીની ખેતી દરમિયાન દર છ ફૂટના અંતરે એક વૃક્ષ લગાવાય છે. તેનાથી બીજી હરોળનું અંતર ૧૨ ફૂટ હોય છે. તેમણે આ રીતે ૩x૧૪નો નિયમ લાગુ કર્યો. પાકમાં કેમિકલનો ઉપયોગ નહીંવત્ કર્યો.
પરિણામ એ આવ્યું કે પ્રતિ એકર ત્રણ ટન કેરી ઉત્પન્ન થઇ. હવે તેઓ આ ટેક્નિક મહારાષ્ટ્ર અને ગુજરાતના ખેડૂતોને શીખવી રહ્યા છે. જનાર્દને જણાવ્યું કે ભારતમાં કેરીના ઉત્પાદનમાં ૩૦x૩૦નો નિયમ લાગુ કરાય છે. વૃક્ષોની વચ્ચે વધુ અંતર હોવાના કારણે મોટી જગ્યામાં પણ ઓછા ઝાડ લગાવાય છે.
તેથી આપણે ઉત્પાદનમાં ઇઝરાયલ કરતાં પાછળ છીએ. ઇઝરાયલમાં કેરીના રેકોર્ડ ઉત્પાદનનો શ્રેય મેંગો પ્રોજેક્ટને પણ જાય છે. જે અહીંની સરકાર ચલાવી રહી છે. ખેતીથી લઇને બ્રાન્ડિંગ સુધીની જવાબદારી મેંગો પ્રોજેક્ટનો ભાગ છે.
ઇઝરાયલમાં આખા વર્ષમાં ૫૦ હજાર ટન કેરીનું ઉત્પાદન થાય છે, જેમાંથી ૨૦ હજાર ટન નિકાસ થાય છે. ઇઝરાયલમાં કેરીની પાંચ પ્રજાતિ પેટન્ટ છે, જેને બીજા દેશમાં ઉગાડી શકાતી નથી. ઇઝરાયલમાં કેરીનું આટલું ઉત્પાદન ૧૯૨૦માં શરૂ થયું હતું. તેને બહેતર બનાવવા માટે અને નવી પ્રજાતિઓ વિકસાવવા માટે મેંગો પ્રોજેક્ટની શરૂઆત થઇ.
વરસોના રિસર્ચ બાદ દેશે પોતાની કેરીની જાતો વિકસીત કરી. દર વર્ષે ઇઝરાયલમાંથી ૨૦ હજાર ટન કેરી યુરોપ, ફ્રાંસ, નેધરલેન્ડ અને રશિયામાં નિકાસ કરાય છે. ૩૦ હજાર ટન સ્થાનિક બજારમાં વેચાણ માટે મોકલાય છે. અહીં દર વર્ષે ૧૦૦થી ૧૫૦ હેક્ટર નવા ભાગમાં વૃક્ષારોપણ કરાય છે.