ગાઝામાં બનાવેલ રોકેટ લોન્ચ પેડને ઈઝરાયેલે ઉડાવી દીધું
ઈઝરાયલ અને પેલેસ્ટાઈનની વચ્ચે તણાવ વધતો જ જઈ રહ્યો છે. ઈઝરાયેલે માહિતી આપી હતી કે ગાઝાના રહેણાંક વિસ્તારને રોકેટ લોન્ચ પેડ બનાવ્યું છે, આ વાતની ખાતરી કરી તે રોકેટ લોન્ચ પેડને ઈઝરાયેલે ઉડાવી દીધું. માનવામાં આવે છે કે જેમાં હમાસના 65 કમાન્ડરો મૃત્યુ પામ્યા છે. હમાસ તરફથી ઈઝરાયલ પર રોકેટ લાદવામાં આવી રહ્યા છે. જવાબમાં ઈઝરાયલ તરફથી એરસ્ટ્રાઈક કરવામાં આવી રહી છે. આ બધુ પેલેસ્ટાઈનના બીજી ભાગ એટલે કે ગાઝામાં થઈ રહ્યુ છે. ઈઝરાયલી એરસ્ટ્રાઈકમાં ગાઝા સ્થિત એક માત્રા કોવિડ ટેસ્ટિંગ લેબ નષ્ટ થઈ ગઈ છે.
See it with your own eyes: Hamas turned a civilian structure in Gaza into a rocket launch site ready to fire rockets at Israel.
Under intl. law, a civilian structure used for military purposes is a legitimate military target.
અત્યાર સુધીમાં 213 પેલેસ્ટાઈનીના મોત
ગાઝાના સ્વાસ્થ્ય મંત્રાલય તરફથી જારી નિવેદનમાં કહેવામાં આવ્યું છે કે ઈસ્લામિક ગ્રુપ હમાસની વિરુદ્ધ ઈઝરાયલની લડાઈની અસર સામાન્ય લોકો પર પડી રહી છે. ઈઝરાયલ તરફથી સ્થાનીક વિસ્તારોમાં કરવામાં આવેલી બોમ્બવર્ષાથી અત્યાર સુધીમાં 213 પેલેસ્ટાઈનીના મોત થયા છે. જેમાં 61 બાળકો સામેલ છે. આ ઉપરાંત 1400થી વધારે લોકો ઘાયલ થયા છે.
ઈઝરાયલી હુમલામાં ગાઝા સ્થિત એક માત્રા કોવિડ ટેસ્ટિંગ લેબ નષ્ટ
ઈઝરાયલની એરસ્ટ્રાઈકમાં ગાઝા સ્થિત એક માત્ર કોવિડ ટેસ્ટિંગ લેબ પણ નષ્ટ થઈ ગઈ છે. ગાઝામાં પોઝિટિવિટી રેટ લગભગ 28 ટકા છે. કોરોનાના દર્દીની સારવાર એ હોસ્પિટલમાં ચાલી રહી છે જ્યાં 15 વર્ષથી નાકાબંધી છે. ગાઝાની વસ્તી 2 મિલિયન છે. ઈઝરાયલ અને પેલેસ્ટાઈનની વચ્ચે હિંસક સંઘર્ષની શરુઆત 10 મેએ થઈ હતી. જ્યારે ગાઝા પટ્ટીથી હમાસે લગભગ 3500 રોકેટ લાદ્યા હતા. જેમાંથી મોટા ભાગના રોકેટ ઈઝરાયલે આયરન ડોમે હવામાં જ નષ્ટ કરી નાંખ્યા હતા. જેમાંથી કેટલાક વસ્તી પર પડતા નુકસાન થયું એ બાદ ઈઝરાયલ એરસ્ટ્રાઈકથી હમાસને જવાબ આપી રહ્યુ છે.