ઇઝરાઇલમાં 17 સપ્ટેમ્બરના રોજ વડા પ્રધાન પદ માટેની ચૂંટણીનું પરિણામ સ્પષ્ટ થઈ શક્યું નથી. ફરી એકવાર સ્થિતિ એવી બની ગઈ છે કે કોઈ પણ પક્ષ પોતાની તાકાત પર સરકાર બનાવવાની સ્થિતિમાં નથી.
ઇઝરાઇલની ચૂંટણીમાં પરિણામ સ્પષ્ટ નહીં
કોઇપણ પાર્ટીને બહુમતિ નહીં
એક વર્ષમાં ત્રીજી વખત યોજાઇ શકે ચૂંટણી
એક વર્ષમાં યોજાઇ શકે ત્રીજી વખત ચૂંટણી
હાલના વડા પ્રધાન બેન્જામિન નેતન્યાહુની લિકુડ પાર્ટીને 31 બેઠકો મળી છે, જ્યારે વિપક્ષી નેતા બેની ગેન્ટઝની પાર્ટીને 33 બેઠકો મળી છે. આવી સ્થિતિમાં જો સરકાર ટૂંક સમયમાં રચાય નહીં તો રાષ્ટ્રપતિ દ્વારા ફરી એક વખત ચૂંટણીનો આદેશ આપવામાં આવશે. એટલે કે, ઇઝરાઇલ એક વર્ષમાં ત્રીજી વખત સામાન્ય ચૂંટણી યોજાવાના આરે છે.
લિકુડ પાર્ટીને મળી 31 બેઠક
ઈઝરાયેલમાં પાંચ મહિનામાં બીજી વખત યોજાયેલી ચૂંટણીમાં પ્રધાનમંત્રી બેંઝામિન નેતન્યાહૂની લિકુડ પાર્ટીને 31 સીટ મળી છે. બુધવારે આવેલા ચૂંટણી પરિણામમાં મુખ્ય વિપક્ષી પાર્ટી બ્લૂ એન્ડ વ્હાઈટને નેતન્યાહૂની પાર્ટી કરતા એક સીટ વધુ એટલે કે 32 બેઠક મળી છે. બન્ને પ્રમુખ ગઠબંધનની વાત કરે તો વામપંથીને 55 જ્યારે નેતન્યાહૂના નેતૃત્વ વાળા દક્ષિણપંથીને 55 બેઠક મળી છે. ઈઝરાયેલમાં સરકાર બનાવવા માટે 61 બેઠક જરૂરી છે.
ઇઝરાઇલમાં રાજકીય સ્થિતિ ડામાડોળ
નેતન્યાહૂ ઈઝરાયેલમાં સૌથી લાંબા સમય સુધી પ્રધાનમંત્રી રહ્યા છે અને હવે રાજકીય અસ્થિરતાનો સામનો કરી રહ્યા છે. દેશમાં ગઠબંધન સરકાર બનવાની શક્યતાઓ સર્જાઈ છે. ઈઝરાયેલ બીતેનૂ પાર્ટીને 9 બેઠક મળી છે. જેના નેતા અને પૂર્વ રક્ષા મંત્રી એવિગદોર લીબરમેન છે.
નેતન્યાહૂના સહયોગીએ ગઠબંધનનો કર્યો વિરોધ
જેના હાથમાં સત્તાની ચાવી છે. હવે લીબરમેન નવા પ્રધાનમંત્રીની ચૂંટણીમાં મહત્વની ભૂમિકા ભજવશે. નેતન્યાહૂના સહયોગી રહેલા અને હવે વિરોધી બની ચૂકેલા 61 વર્ષીય લીબરમેને કહ્યું કે તે કોઈપણ પાર્ટી સાથે ગઠબંધનમાં નહીં જોડાય.
રાષ્ટ્રપતિએ સરકાર રચવા માટે આપ્યો વધારાનો સમય
વર્તમાન પરિસ્થિતિ અંગે રાષ્ટ્રપતિ રિવલિને કહ્યુ હતું કે તેઓ રવિવારથી સરકાર બનાવવાની પ્રક્રિયા પર કામ કરશે, પહેલા બંને પક્ષોને સરકાર રચવાનું આમંત્રણ આપવામાં આવશે અને આંકડા પૂછવામાં આવશે. રાષ્ટ્રપતિ કાર્યાલયના જણાવ્યા અનુસાર, સરકાર બનાવવા માટે 42 દિવસનો સમય રહેશે, આ ઉપરાંત, 28 દિવસનો વધારાનો સમય પણ મળી શકે છે.