કોરોના વાયરસ / આ દેશને માસ્કમાં છૂટ આપવી ભારે પડી, કોરોનાએ એવો તાંડવ મચાવ્યો કે 10 જ દિવસમાં નિર્ણય પલટાયો

• ઈઝરાયેલમાં ડેલ્ટાનો ફફડાટ
• ઈઝરાયેલ સરકારે બદલ્યો નિર્ણય
• 10 દિવસમાં જ માસ્ક મુક્તિ પરત ખેંચી

ઈઝરાયેલમાં ડેલ્ટાનો ફફડાટ
દુનિયાભરમાં કોરોના વાયરસનો કહેર હજી પણ શરૂ છે પણ નવા વેરિયન્ટને કારણે હજુ પણ સંક્રમણ વધી રહ્યું છે. આ બધા વચ્ચે ઈઝરાયલે માસ્ક ના પહેરવા પર છૂટ આપી દીધી હતી. પણ છેલ્લા 10 દિવસમાં કોરોનાના કેસો વધવાલાગ્યા છે. ત્યારબાદ ઈઝરાયલની  કેબિનેટ મિટિંગમાં સરકારે જાહેર સ્થળો પર માસ્ક પહેરવું પડશે, તેવા આદેશ આપ્યા છે. આ નિર્ણય ત્યારે લેવામાં આવ્યો જ્યારે 100થી વધુ કેસ આવતા માસ્ક ફરજિયાત કરવામાં આવ્યું. સાથે જ વિદેશથી આવતા લોકોનું ટેસ્ટિંગ ફરજિયાત કરવામાં આવ્યું છે. 

ઈઝરાયેલ સરકારે બદલ્યો નિર્ણય
ઈઝરાયેલ સરકારે કોરોનાની સામે વેક્સિનેશન ઝુંબેશ ચલાવીને માસ્ક મુક્તિ જાહેર કરી હતી.. જોકે હવે ડેલ્ટા વેરિએન્ટે ઈઝરાયેલ સરકારને નિર્ણય બદલવા માટે મજબૂર કરી છે.. ડેલ્ટા વેરિએન્ટના 100થી વધુ કેસ નોંધાતા ઈઝરાયેલ સરકારે 10 દિવસમાં જમાસ્કની છૂટનો આદેશ પરત ખેંચ્યો છે.. ઈઝરાયેલના PM નફ્ટાલી બેનેટે પણ સંક્રમણ પગલે લોકોને ચેતવણી આપવામાં આવી છે. ઈઝરાયેલમાં અડધાથી વધુ વસ્તીને વેક્સિન લગાવી દેવામાં આવી છે.  

10 દિવસમાં જ માસ્ક મુક્તિ પરત ખેંચી
જેથી માસ્ક મુક્તિ જાહેર કરાઈ હતી. જોકે હવે ફરી એકવાર કેસ વધતા નિર્ણય પાછો ખેંચવામાં આવ્યો છે.. સાથે જ એરપોર્ટ પર વિદેશથી આવતા તમામ લોકોનું ટેસ્ટિંગ ફરજિયાત કરાયું છે. ઈઝરાયેલમાં અત્યાર સુધી 8.40 લાખ લોકો કોરોના સંક્રમિત થઈ ચૂક્યા છે. અને 6428 લોકોના મૃત્યુ થયા છે.