UNHRC દ્વારા રજૂ કરાયેલા અહેવાલમાં ઈઝરાયલની નિંદા અને ટીકાઓ કરાઈ હતી
અર્ડને અહેવાલ ફાડીને કહ્યું કે તેની એકમાત્ર જગ્યા કચરાપેટી છે
Today, I addressed the @UN General Assembly and spoke out against the baseless, one-sided, and outright false accusations from the Human Rights Council's annual report. 1/8 pic.twitter.com/b4YIv2jGaK
— Ambassador Gilad Erdan גלעד ארדן (@giladerdan1) October 29, 2021
સંયુક્ત રાષ્ટ્રમાં ઈઝરાયેલના રાજદૂત ગિલાડ એર્ડને શુક્રવારે સંયુક્ત રાષ્ટ્ર મહાસભાના મંચ પર સંયુક્ત રાષ્ટ્ર માનવાધિકાર પરિષદ (UNHRC)ના વાર્ષિક અહેવાલને ફાડી નાંખ્યો હતો. તેમણે કહ્યું કે, આ રિપોર્ટની સાચી જગ્યા કચરાપેટી છે. અને તેનો કોઈ ઉપયોગ નથી. તેમણે દલીલ કરી હતી કે, આ અહેવાલ ઈઝરાયેલના વિરુદ્ધ છે. અને પક્ષપાતી છે. ખરેખર ઈઝરાયેલ-પેલિસ્ટિનિયન સંઘર્ષ પર યુએન હ્યુમન રાઈટ્સ કાઉન્સિલે જનરલ એસેમ્બલીમાં એક ખાસ બેઠક બોલાવી, જ્યાં તેના પ્રમુખ મિશેલ બાચેલેટ તમામ સભ્ય દેશોને વાર્ષિક અહેવાલ રજૂ કર્યો.
UNHRC દ્વારા રજૂ કરાયેલા અહેવાલમાં ઈઝરાયલની નિંદા અને ટીકાઓ કરાઈ હતી
મહત્વનું છે કે, આ અહેવાલમાં ગાઝા પર ઈઝરાયેલના કબજા પછી રચાયેલી તપાસ સમિતિના તારણો રજૂ કરવામાં આવ્યાં હતાં, જેમાં 67 બાળકો, 40 મહિલાઓ અને 16 વૃદ્ધ લોકો સહિત 206 પેલેસ્ટિનિયનો માર્યા ગયાં હતાં. આ હુમાલમાં વરિષ્ઠ ડૉકટર અયમાન અબુ અલ-ઓફ અને તેમના પરિવાર સહિત અનેક પરિવારોના મોત થયા હતા. આ અહેવાલમાં ગાઝા પરના ક્રૂક હુમલાઓ માટે ઈઝરાયેલની નિંદા અને ટીકા કરવામાં આવી હતી.શુક્રવારે સામાન્ય સભામાં વિશેષ સુનાવણી દરમિયાન માનવ અધિકાર પરિષદના પ્રમુખે તમામ સભ્ય દેશોને તપાસ સમિતિનો વાર્ષિક અહેવાલ રજૂ કર્યો હતો.
અર્ડને અહેવાલ ફાડીને કહ્યું કે તેની એકમાત્ર જગ્યા કચરાપેટી છે
એર્ડને જનરલ એસેમ્બલીને સંબોધતા કહ્યુ કે 15 વર્ષ પહેલા તેની શરૂઆતથી, માનવ અધિકાર પિરષદે વિશ્વના અન્ય તમામ દેશો સામે 142ની તુલનામાં 95 વખત ઇઝરાયેલની નિંદા કરી છે. તેમણે વધુમાં કહ્યું કે માનવાધિકાર પરિષદ પૂર્વગ્રહોથી ભરેલી છે અને આ રિપોર્ટ દ્વારા ફરી એકવાર તે સાબિત થયું છે. રિપોર્ટ ફાડીને તેને પોડિયમ પર છોડતા પહેલા તેણે કહ્યું કે તેની એકમાત્ર જગ્યા ડસ્ટબિન છે. એર્ડને માનવ અધિકાર પરિષદના વાર્ષિક અહેવાલના પાયાવિહોણા, એકતરફી અને સાવ ખોટા આરોપો સામે અવાજ ઉઠાવ્યો હતો.