ચીનમાં કોરોના વાયરનો દિવસે દિવસે સકંજો કસાતો જઇ રહ્યો છે. કોરોનાની વિશ્વભરમાં અસર થઇ રહી છે. ત્યારે ભારતના લોકો પણ કોરોના ભરડામાં સપડાયા છે. ત્યારે ચીનમાંથી પરત ફરી રહેલા લોકો માટે અમદાવાદ મ્યુનિસિપલ કોર્પોરેશન દ્વારા ખાસ તૈયારીઓ કરવામાં આવી છે. SVP હોસ્પિટલમાં દર્દીઓ માટે 30 બેડનો આઇસોલેશન વોર્ડ તૈયાર કરવામાં આવ્યો છે.
જેમાં 7 વેન્ટિલેટર અને 1 પીડિયાટ્રિક વેન્ટિલેટર રખાશે. તો 12 બેડનો ICU રૂમ પણ તૈયાર કરવામાં આવ્યો છે. સાથે સાથે 2 લાખ જેટલા ત્રિપલ લેયર માસ્ક, 950 જેટલા N-95 માસ્ક અને 2 લાખ ડિસ્પોઝેબલ કેપ તૈયાર કરવામાં આવ્યાં છે. આ હોસ્પિટસમાં 24 કલાક સારવાર માટે ડૉકટરોની ટીમ તૈનાત રહેશે. તપાસ દરમિયાન કોઇ વ્યક્તિ શંકાસ્પદ જણાશે તો તેણે સારવાર આપવામાં આવશે.