ઈસ્લામાબાદ પોલીસ અને રેંજર્સ કમાન્ડોની ટીમ ઈમરાન ખાનનાં ઘરે પહોંચી હતી. લાહોરમાં જમાન પાર્કવાળા ઘરે ઈમરાનનાં સમર્થકોની પોલીસ ફોર્સ સાથે અથડામણ થઈ.
પોલીસ અને રેંજર્સ કમાન્ડોની ટીમ ઈમરાન ખાનનાં ઘરે
સમર્થકો અને પોલીસ વચ્ચે થઈ અથડામણ
પથ્થરમારાને લીધે પોલીસકર્મીઓ ઘાયલ
પાકિસ્તાનનાં પૂર્વ પ્રધાનમંત્રી અને પાકિસ્તાન તહરીક-એ-ઈંસાફનાં અધ્યક્ષ ઈમરાન ખાનને પોલીસ અને રેંજર્સ કમાન્ડોની ટીમ ધરપકડ કરવા પહોંચી. પોલીસની સામે ઈમરાન સમર્થકો એક દીવાલ બનીને ઊભા રહી ગયાં હતાં. સમર્થકોની પોલીસની સાથે જોરદાર અથડામણ થઈ છે. એટલું જ નહીં પથ્થરમારો પણ કરવામાં આવી રહ્યો છે.
My message to the nation to stand resolute and fight for Haqeeqi Azadi & rule of law. pic.twitter.com/bgVuOjsmHG
ઈમરાન ખાને સોશિયલ મીડિયા પર કરી અપીલ
આ તમામની વચ્ચે ઈમરાનખાને ફરી એકવાર સમર્થકોને એકજૂથ થવાની અપીલ કરી. ઈમરાનખાને સોશિયલ મીડિયા પર લખ્યું, 'પાકિસ્તાની આવામ, સાંભળો, તમારા નેતાનાં જીવને જોખમ છે. આપણે એકજૂથ રહેવાનું છે.' તેમણે લખ્યું કે પોલીસે મને જેલમાં નાખવા માટે પકડવા આવી રહી છે. તેમનો એવો વિચાર છે કે હવે ઈમરાન જેલમાં જતો રહેશે તો કોમ સૂઈ જશે. તમે આ સૌને ખોટું સાબિત કરજો. તમારે બહાર નિકળવાનું છે. હું તમારા માટે લડત લડી રહ્યો છું. તમે એ સાબિત કરો કે ઈમરાન ખાન માટે આ કોમ કેટલી હદ સુધી જદ્દોજહદ કરી શકે છે.
અમે આજે ઈમરાનને લઈને જ જશું
લાહોપ પોલીસે પોતાના નિવેદનમાં કહ્યું કે 'આજે અમે ઈમરાનની ધરપકડ કરવા માટે આવ્યાં છીએ અને તેમને લઈને જ જશું. જો લોકો પથ્થરબાજી કરી રહ્યાં છે તો તેમને લાસ્ટ વોર્નિંગ આપી દેવામાં આવી છે.'
પહેલા પણ પોલીસ ધરપકડ માટે પહોંચી હતી
આ પહેલા ગઈકાલે પણ ઈસ્લામાબાદ પોલીસની ટીમ હેલીકોપ્ટરથી લાહોર પહોંચી હતી પરંતુ ત્યારે ત્યાં ઈમરાન મળ્યાં નહી. પછી એ માહિતી સામે આવી કે ઈમરાન એક બુલેટ પ્રૂફ કારમાં ક્યાંક જતાં રહ્યાં છે. હવે ઈસ્લામાબાદ કોર્ટનાં નિર્દેશો બાદ પોલીસકર્મી અને કમાંડોઝ આજે ફરી લાહોર માટે રવાના થયાં હતાં.