અમેરિકાએ ફરી એકવાર આતંકવાદને લઈને પાકિસ્તાનને ખરું ખોટું સંભળાવ્યું છે. અમેરિકાએ પોતાની વાર્ષિક કંટ્રી રિપોર્ટ ઓન ટેરરિઝમ 2017માં કહ્યું કે પાકિસ્તાન હજુ પણ આતંકી સંગઠનો માટે સુરક્ષિત જગ્યા છે. અમેરિકાએ દાવો કર્યો કે પાકિસ્તાને પોતાની જમીન પર સક્રીય જૈશ-એ-મોહમ્મદ અને લશ્કર-એ-તૈયબા જેવા આતંકી સંગઠનો વિરૂદ્ધ કાર્યવાહી કરી નથી અને તે ભારત પર સતત હુમલાને અંજામ આપી રહ્યું છે.
ઉલ્લેખનીય છે કે અમેરિકાએ પોતાના રિપોર્ટમાં એવું પણ કહ્યું કે પાકિસ્તાન સરકાર હજુ પણ લશ્કર અને જૈશ જેવા આતંકી સંગઠનોને ખુલ્લેઆમ ફંડ એકત્ર કરવું ભર્તી કરવી અને ટ્રેનિંગ કેમ્પ ચલાવવાથી રોકવામાં અસફળ રહ્યુ છે.
રિપોર્ટ મુજબ ઈસ્લામિક સ્ટેટ ખુરાસાને ગત વર્ષે પાકિસ્તાનમાં 43 મોટા આતંકી હુમલા કર્યા. ફાઈનાન્સિયલ એશન ટાસ્ક ફોર્સ સતત આ વાતને નોંધી રહ્યું છે કે પાકિસ્તાન સંયુક્ત રાષ્ટ્ર દ્વારા પ્રતિબંધિત આતંકી સંગઠનોને ફંડ એકત્ર કરવાથી રોકી શક્યું નથી.
આપને જણાવી દઇએ કે પાકિસ્તાનના ચૂંટણી આયોગે લશ્કર સાથે જોડાયેલ એક ગ્રુપને રાજનીતિ દળ સ્વરૂપે રજીસ્ટર કરવા ઇનકાર કર્યો હતો. રિપોર્ટમાં જણાવ્યા અનુસાર ઇસ્લામિક સ્ટેટ ખુરાસાને ગતવર્ષે પાકિસ્તાનમાં 43 મોટા ધડાકા કર્યા હતા. આ હુમલમાં અન્ય સંગઠનોને પણ જોડવામાં આવ્યા હતા ત્યારે ફરી એકવાર અમેરિકાએ પાકિસ્તાનને આતંકવાદ મામલે સંભળાવેલ.
તો આ તરફ પાકિસ્તાનમાં તાજેતરમાં યોજાયેલ ચૂંટણીમાં ઇમરાન ખાનને વિજય થતાં અમેરિકાના રાજદૂતે ફોન કરીને શુભેચ્છા પાઠવી હતી આ સાથે જ આતંકવાદને વધતો અટકાવવા માટે તાત્કાલિક પગલાં ભરો તેવું સુચન પણ કર્યું હતું. જો કે તેમ છતાં આતંકવાદી પ્રવૃત્તિમાં ઘટાડો નહીં થતાં અમેરિકાએ પાક.ને ખરું ખોટું સંભળાવી દીધું હતું.