આતંકવાદી / વડોદરામાંથી પકડાયેલા ISISના આતંકવાદી ઝફર અલીને આજે દિલ્હી લઈ જવાશે

• વડોદરામાંથી ISIS આતંકી ઝડપાવાનો મામલો
• દિલ્હી સ્પેશિયલ સેલને આતંકી ઝફરની કસ્ટડી સોંપાશે
• દિલ્હી અને તમિલનાડુના કેસમાં ઝફર અલી છે વોન્ટેડ

ઝફરના સાગરીતોની દિલ્હી પોલીસે કરી ધરપકડ
દિલ્હી પોલીસે 3 આતંકીની ધરપકડ કરી છે. અને દિલ્હીમાં પકડાયેલા 3 આતંકીઓનો સહયોગી છે. ઝફર અલી રાજ્યમાં હુમલાનું પ્લાનિંગ કરી રહ્યો હતો. 

છેલ્લા 15 દિવસથી વડોદરામાં નાંખ્યા હતા ધામા

છેલ્લા 15 દિવસથી ઝફર અલી વડોદરામાં રહેતો હતો. દિલ્હી પોલીસને ISISના 3 આતંકીઓ ઝડપાયા બાદ ઇનપુટ મળ્યા હતા. ત્યારે ATSએ ઝફર સાથે વધુ 4 શકમંદોની પણ અટકાયત કરી છે. 

ગોરવામાં રહેતો હતો અબ્દુલ

ઝફર અલી 26 ડિસેમ્બરથી ગોરવામાં અબ્દુલ રહીમના નામથી જ રહેતો હતો. અને PFIનું માળખું વડોદરામાં તૈયાર કરવા માગતો હતો. આતંકી પાસેથી ATSએ ઓટોમેટિક પિસ્તોલ કબજે કરી છે. એટલું જ નહીં તેનું એક નામ ઉમર હોવાનું પણ સામે આવ્યું છે. 

આતંકવાદી ઝફર તમિલનાડુનો રહેવાસી

આતંકવાદી ઝફર અલી તમિલનાડુનો રહેવાસી છે. ATSને 6 આતંકી તમિલનાડુ છુપાયાની બાતમી મળી હતી. 6માંથી 5 આતંકીઓની તમિલનાડુમાં ધરપકડ થઈ હતી. આતંકી ઝફર અલી તમિલનાડુથી ફરાર થયો હતો.