ISIના ષડયંત્રનો પર્દાફાશ દિલ્લી પોલીસે ત્રણ શાર્પ શૂટર ઝડપ્યા

દિલ્લી પોલીસના સ્પેશિયલ સેલે 26મી જાન્યુઆરી પહેલા ISIના મોટુ કાવતરાનો પર્દાફાશ કર્યો છે. રાજધાની દિલ્લીના અલગ અલગ વિસ્તારમાંથી દિલ્લી પોલીસે ત્રણ શાર્પ શૂટરને ઝડપી પાડ્યા છે. આ શાર્પ શૂટરના નિશાને દેશના બે મોટા નેતાઓ હતા. તેમની હત્યા બાદ દેશમાં દહેશત ફેલવવાનું તેમનું કાવતરુ હતુ. જેનો પર્દાફાશ થયો છે. 

ધરપકડ કરાયેલા લોકોમાં ટ્રેનિંગ લઈ ચૂકેલા અફઘાનિસ્તાનના નાગરિક વલી મોહમ્મદ સબૈફીનો પણ સમાવેશ છે. આ સિવાય શેખ રિયાઝુદ્દીન ઉર્ફ રાજા ઉર્ફ અલામી અને કેરળના કાસરગોડના રહેવાસી મુહાસિમ ઉર્ફે તસલીમ છે. સુત્રો દ્વારા પ્રાપ્ત મુજબ પાકિસ્તાનની ISIએ ગણતંત્ર દિવસ પહેલા બે વરિષ્ઠ નેતાઓની હત્યાનું કામ સોપ્યુ હતું. તો તપાસમાં એવું પણ સામે આવ્યું છે કે આ ઓપરેશનનો માસ્ટર માઈન્ડ બીજુ કોઈ નહીં પણ પાકિસ્તાન અંડરવર્લ્ડ ડોન રસૂલ ખાન પાર્ટી તરીકે થઈ છે.

 રસૂલ ખાન જ 2003માં ગુજરાતમાં થયેલી પૂર્વ ગૃહમંત્રી હરેન પંડ્યાની હત્યાનો મુખ્ય ષડયંત્રકારી છે. આ ષડયંત્રની જાણકારી ગુપ્તચર એજન્સીઓને ત્યારે મળી કે જ્યારે રસૂલ પાર્ટી અને દક્ષિણ ભારતના એક વ્યક્તિ વચ્ચે ચાલી રહેલા કોલને ઈન્ટરસેપ્ટ કરવામાં આવ્યો. આ લોકો હથિયારોની સગવડતા અને હઈ વેલ્યૂ ટાર્ગેટની વાત કરી રહ્યા હતા. જેમને ડિસેમ્બર મહિનાથી જ ટ્રેક કરવામાં આવી રહ્યા હતા. જ્યારે આ વાતની પુષ્ટિ થઈ કે તરત જ તેમને ઝડપી પાડવામાં આવ્યા.