આતંક અને અંડરવર્લ્ડનું નવુ મોડ્યુલ ઉભુ કરવાની જવાબદારી પાકિસ્તાનની ગુપ્તચર એજન્સી આઈએસઆઈના કર્નલ કક્ષાના અધિકારીઓને આપવામાં આવી હતી. કર્નલે દિલ્હીમાં ધરપકડ કરેલ ઓસામાના પિતા ઉસૈદુર રહેમાનને આતંકી મોડ્યુલ બનાવવા માટે પસંદ કર્યો હતો. જે અત્યારે દુબઈમાં છે.
આતંક અને અંડર વર્લ્ડ પર મોટો ખુલાસો
ISIના કર્નલ કક્ષાના અધિકારીઓને સોંપવામાં આવી જવાબદારી
અંડર વર્લ્ડનું નવુ મોડ્યુલ ઉભુ કરવાની સોંપાઈ જવાબદારી
આ ટીમનું કામ આતંકવાદીઓને પૈસા અને હથિયાર આપવાનુ હતુ
અંડર વર્લ્ડનું કામ દાઉદના ભાઈ અનીસને કર્નલ ગાજીએ આપ્યું હતું. આ ટીમનું કામ આતંકવાદીઓને પૈસા, હથિયાર અને દારૂગોળો પુરૂ પાડવાનુ હતુ. ઉસૈદુર રહેમાને પોતાના પુત્રને જ આતંકવાદી ટ્રેનિંગ લેવા માટે પાકિસ્તાન મોકલવાનો નિર્ણય કર્યો. પરંતુ પાકિસ્તાનમાં વધુ એક યુવકની જરૂર હતી. જેના માટે પ્રયાગરાજમાં રહેલા ઓસામાના કાકા હુમૈદુર રહેમાનને કામ આપવામાં આવ્યું. ત્યારબાદ હુમૈદુર રહેમાને જિશાનને પકડ્યો અને પછી તેને તૈયાર કરી ટ્રેનિંગ લેવા માટે પાકિસ્તાન મોકલ્યો.
દિલ્હીમાંથી ઝડપાયા 6 આતંકવાદીઓ
દિલ્હી પોલીસના સ્પેશિયલ સેલ અને યુપી એટીએસે 14 સપ્ટેમ્બરે 6 આતંકવાદીઓની ધરપકડ કરી હતી. મહત્વનું છે કે, જાન મોહમ્મદ શેખ મહારાષ્ટ્રનો રહેવાસી છે અને તેની ઉંમર 47 વર્ષ છે. 22 વર્ષનો ઓસામા જામિયા નગર દિલ્હીનો રહેવાસી છે. 47 વર્ષનો મૂલચંદ એલિયસ લાલ રાયબરેલી ઉત્તર પ્રદેશનો જ્યારે 28 વર્ષીય જીશાન કમર પ્રયાગરાજનો રહેવાસી છે. પાંચમો શંકાસ્પદ અબુ બકર મોહમ્મદ ઉત્તર પ્રદેશના બહરાઈચ જિલ્લાના રહેવાસી છે. છેલ્લાં થોડા દિવસોથી તેઓ દિલ્હીમાં રહેતા હતા. મોહમ્મદ આમિર જાવેદ લખનઉનો રહેવાસી છે.
પાકિસ્તાનનું ષડયંત્ર થયુ નિષ્ફળ
મહત્વનું છે કે, દેશમાં આતંકવાદી હુમલા માટે પાકિસ્તાન તરફથી એક મોટા ષડયંત્રને અંજામ આપવામાં આવ્યું હતું. પરંતુ સમય પ્રમાણે દિલ્હી પોલીસ અને યૂપી એટીએસે મળીને પાકિસ્તાનના ષડયંત્રનો પર્દાફાશ કર્યો છે. આતંકવાદના અંડરવર્લ્ડ કનેક્શનને સમય મુજબ દિલ્હી પોલીસની સ્પેશિયલ સેલે ભાંડાફોડ કર્યો છે અને દેશને અનર્થ થતાં બચાવી લીધો છે.