અફઘાનિસ્તાન / તાલિબાન સરકાર બનાવે તે પહેલા જ ભારત માટે ખતરાની ઘંટી! કાબુલમાં દેખાયો આ વ્યક્તિ

• ISI ચીફે અફઘાનમાં તાલિબાની પ્રમુખ સાથે લીધી મુલાકાત 
• સૈન્ય અધિકારીઓ સાથે ISI ચીફ અફઘાનમાં 
• સોશિયલ મીડિયામાં ફોટા થયા વાયરલ 

અફઘાનિસ્તાનમાં તાલિબાન ખુબ જલ્દી સરકાર બાનાવાનું છે. તાલિબાની નેતા ભલે તેમના પાકિસ્તાન સાથે સંબંધોને નકારે પરંતુ બંને વચ્ચેના સંબંધો હવે લોકો સામે આવી રહ્યા છે. પાકિસ્તાનની ખાનગી એજન્સી ISIના પ્રમુખ ફૈજ હમીદ કાબુલ પહોચ્યા છે. હવે તાલિબાન સરકાર બનાવે તે પહેલાજ તેઓ જે રીતે અફઘાનિસ્તાન પહોચ્યા છે. તેને લઈને ઘણા સવાલો ઉભા થઈ રહ્યા છે. 

સૈન્ય અધિકારી સાથે ISI ચીફ અફઘાનમાં 

આપને જણાવી દીએ કે અમેરિકા અફઘાનિસ્તાનની બહાર નિકળ્યું તેની પાછળ પણ પાકિસ્તાનનો હાથ માનવામાં આવી રહ્યું છે. એવી માહિતી સામે આવી છે કે ISI ચીફ સાથે અન્ય સૈન્ય અધિકારીઓએ પણ અફઘાનિસ્તાનમાં પહોચ્યા છે. 

સોશિયલ મીડિયામાં ફોટો થયો વાયરલ 

ISIના ચીફ અને અન્ય સૈન્ય અધિકારીઓને કાબુલની સેરેના હોટલમાં રાખવામાં આવ્યા છે. જ્યા તેઓ પાકિસ્તાની રાજદૂતને મળવાની વાતો કરી રહ્યા છે. જોકે સોશિયલ મીડિયામાં એક ફોટો વાયરલ થયો છે. જેમા ISI ચીફ તાલિબાની પ્રમુખ મુલ્લા અબ્દુલ ગની દરબાર સાથે સાથે દેખાઈ ચુક્યા છે. 

પાકિસ્તાનને તાલિબાનનું સમર્થન 

મહત્વનું છે કે પાકિસ્તાન પણ તાલિબાનને સમર્થન આપવાની વાત કરી ચુક્યું છે. ઈમરાન સરકારના ગૃહમંત્રી શેખ રાસિદેજ આ વાતને સ્વિકારી હતી.ઈસ્લામાબાદ લાંબા સમયથી તાલિબાનનું સંરક્ષક રહ્યું છે. આ મામલે રાશિદે કહ્યું હતું કે અમે સંગઠનને આશ્રય આપીને તેને મજબૂત કરવાનું કામ કર્યું. જેનું પરિણામ આપ જોઈ શકો છો કે એક વાર ફરી 20 વર્ષ બાદ અફઘાનિસ્તાન પર તેઓ શાસન કરશે. 

તાલિબાની પ્રવક્તાનું નિવેદન 

ઉલ્લેખનીય છે કે અગાઉ તાલિબાની પ્રવક્ત જબીઉલ્લા મુજાહિદે પણ પાકિસ્તાનને તેનું બિજુ ઘર માન્યું હતું. જેમા તેણે એવું કહ્યું હતું કે અફઘાનિસ્તાનની ધરતી પર પાકિસ્તાનના હિત સામે કોઈ પણ ગતિવિધી નહી થાય. સાથેજ કોઈ પણ દેશ સામે તેમની ધરતીનો ઉપયોગ કોઈને નહી કરવા દઈએ તે મામલે પણ તેમણે સ્પષ્ટતા કરી હતી. ઉપરાંત તેમણે કહ્યું હતું કે ભારત અને પાકિસ્તાન તેના દ્વિપક્ષીય મુદ્દાઓનું પણ સમાધાન લાવે.