RCB-MI વચ્ચેની રોમાંચક મેચમાં મુંબઈ ઇન્ડિયન્સનો સુપર ઓવરમાં પરાજય થયો હતો.
આ મેચમાં મુંબઈના ઇશાન કિશને પોતાની વિસ્ફોટક ઇનિંગ્સથી બધાનાં દિલ જીતી લીધાં હતાં. ઈશાને ૯૯ રનની શાનદાર ઇનિંગ્સ રમી અને અંતિમ ઓવરમાં આઉટ થઈ ગયો.
સુપરઓવરમાં થયેલા પરાજયથી ઈશાન ઘણો નિરાશ જોવા મળ્યો હતો. ઈશાન જ્યારે ૯૯ રને આઉટ થયો ત્યારે મિસ ઇન્ડિયા ફાઇનલિસ્ટ અદિતિ હુન્ડિયાએ પોતાનું રિએક્શન ઇન્સ્ટા સ્ટોરી દ્વારા જાહેર કર્યું. અદિતિએ ઈશાનની પેવેલિયનમાં પાછા ફરતી તસવીર શેર કરીને લખ્યું, ' I am Proud of you, Baby...'
અદિતિનું આ રિએક્શન સોશિયલ મીડિયા પર ચર્ચાનો વિષય બન્યું છે. અદિતિ ફેમિના મિસ ઈન્ડિયા-૨૦૧૭ની ફાઇનલિસ્ટ રહી ચૂકી છે. એ ઉપરાંત ૨૦૧૮માં મિસ સુપરનેચનરલ ઈન્ડિયા પણ રહી ચૂકી છે.