BIG NEWS / આ ભારતીય ક્રિકેટર હોસ્પિટલમાં દાખલ, ગોળીની જેમ ફેંકાયેલો બાઉન્સર માથામાં વાગ્યો, સિટી સ્કેન કરાવાશે

• બીજી ટી-20 મેચમાં ભારતે શ્રીલંકાને આપ્યો 7 વિકેટથી પરાજય
• ઓપનર ઇશાન કિશનને માથા પર વાગ્યો બોલ 
• હોસ્પિટલમાં કરાવવો પડ્યો દાખલ 

ધર્મશાલાના HPCA સ્ટેડિયમમાં રમાયેલી બીજી T20 મેચમાં ભારતીય ઓપનર ઈશાન કિશન શ્રીલંકા સામે બેટિંગમાં ગંભીર રીતે ઇજાગ્રસ્ત થયો હતો. 

ઇશાન કિશનને માથા પર વાગ્યો બાઉન્સર 

મેચ દરમિયાન, તે લાહિરુ કુમારના ઝડપી બાઉન્સરનો પણ ભોગ બન્યો હતો, જો કે તે ઝડપી બાઉન્સરથી અથડાયા બાદ બેટિંગ કરી રહ્યો હતો, પરંતુ ખરાબ શોટ રમીને તેણે તેની વિકેટ ગુમાવી દીધી હતી. દરમિયાન જાણવા મળ્યું છે કે મેચ પુરી થયા બાદ ઈશાનને હોસ્પિટલમાં દાખલ કરવામાં આવ્યો છે.

Indian cricketer Ishan Kishan is under medical examination after getting hit on the head during India vs Sri Lanka 2nd T20I. Sri Lanka player Dinesh Chandimal was also taken to hospital as part of precautionary measures after an injury: Himachal Pradesh Cricket Association

— ANI (@ANI) February 26, 2022

146 KMPH ની ઝડપે હેલ્મેટ બાઉન્સર

ઈશાન કિશને હેલ્મેટ પર બોલ વાગવાની  ઘટના ભારતીય ઈનિંગની ચોથી ઓવરની છે. આ ઓવર શ્રીલંકાના ફાસ્ટ બોલર લાહિરુ કુમારાએ ફેંકી હતી. તેણે આ ઓવરનો બીજો બોલ ઝડપી બાઉન્સર ફેંક્યો હતો. આ બોલની ઝડપ 146 કિલોમીટર પ્રતિ કલાક હતી. ઈશાન આટલી વધુ ઝડપે બાઉન્સર રમત ચૂકી ગયો અને બોલ સીધો તેના હેલ્મેટ પાસે કાનપટ્ટી પર અથડાયો હતો. 

બોલ વાગ્યા બાદ ઈશાનની આંખો સામે અંધકાર છવાઈ ગયો અને તે થોડીવાર મેદાન પર બેસી રહ્યો. આ દરમિયાન શ્રીલંકાના ખેલાડીઓ પણ તેની હાલત લેવા આવ્યા હતા. ફિઝિયોએ મેદાનમાં આવીને ઈશાનની તપાસ કરી, ત્યારબાદ તે ફરીથી બેટિંગ કરવા ઉભો થયો.

ઇશાન આ બોલ પછી પણ રમ્યો હતો પણ બેટિંગમાં કંઈ ખાસ ઉકાળી શક્યો નહોતો. 15 બોલમાં બે ચોગ્ગાની મદદથી 16 રન બનાવીને તે આઉટ થયો હતો. તેની વિકેટ પણ આ જ બોલર લાહીરૂ કુમારે લીધી હતી. ઈશાન પણ બેટિંગ દરમિયાન ઈજાગ્રસ્ત થયો હતો.