12 ડિસેમ્બરે ઇશા અંબાણીના લગ્ન મુંબઇમાં લેશે ફેરા અને ઉદયપુરમાં ડિનર

મુંબઇઃ દેશના સૌથી અમીર વ્યક્તિ અને રિલાયન્સ ઇન્ડસ્ટ્રીઝ લિમિટેડના પ્રમુખ મુકેશ અંબાણીની દીકરી ઇશા અંબાણીના લગ્નની તારીખ સામે આવી છે. આ લગ્ન 12 ડિસેમ્બરના રોજ થશે. લગ્ન માટે કોઇ વિદેશી વેન્યૂ નહીં પણ મુંબઇને જ પસંદ કરવામાં આવ્યું છે.

લગ્નની તમામ વિધિ...


અંબાણી પરિવારે મીડિયાને જાણકારી આપી કે લગ્નની તમામ વિધિ મુંબઇ સ્થિત અંબાણી પરિવારના ઘરે જ થશે.


દીકરીના લગ્નથી જોડાયેલ જાણકારી આપતા પહેલા મુકેશ અંબાણી સોમવારે સાંજે પહેલી લગ્ન કંકોત્રી આપવા માટે સિદ્ધિવિનાયક મંદિરે પહોંચ્યા હતા. ભગવાનના આશિર્વાદ લીધા અને સાથે લગ્નની તૈયારીઓ પણ શરૂ થઇ ગઇ છે.


ઇશા અને આનંદના લગ્નની તમામ વિધિ મુંબઇમાં અંબાણી પરિવારના ઘરે જ થશે. આ ખુશીના પ્રસંગે પરિવારના સભ્યો અને મિત્રો હાજર રહેશે.


લગ્નવિધિ ભારતીય પરંપરા મુજબ હશે. લગ્નના એક અઠવાડીયા પહેલા અંબાણી અને પીરામલ પરિવારે તમામ ફેમિલી મેમ્બર અને ખાસ મિત્રો માટે એક ખાસ ડિનર પાર્ટીનું આયોજન કરશે. આ પાર્ટી માટે ઉદયપુરના લોકેશનને પસંદ કરવામાં આવ્યું છે. ડિનર પાર્ટીની થીમમાં રાજસ્થાન કલ્ચરને ધ્યાનમાં રાખીને તૈયારી કરવામાં આવશે.


જણાવી દઇએ કે અંબાણી પરિવાર ઇશાના લગ્નની તૈયારીમાં વ્યસ્ત છે. આ પહેલા આજ વર્ષે આનંદ પીરામલે ઇશા અંબાણીને મહારાષ્ટ્ર મહાબલેશ્વરમાં પ્રપોઝ કર્યું હતું. મે મહિનામાં એક સમારોહમાં બન્ને પરિવારની હાજરીમાં જશ્ન મનાવાયો હતો.