બિઝનેસ / ગિફ્ટ આપવામાં મમ્મી કરતા બે ડગલા આગળ નીકળી ઇશા, ભાભીને આપ્યો બંગલો

લગ્નની ફોટોઝ અને વીડિયોઝ સોશ્યલ મીડિયા પર વાયરલ થઇ. હવે લગ્નમાં આકાશ અને શ્લોકાને મળેલી ગિફ્ટની ચર્ચા સતત સોશ્યલ મીડિયા પર થઈ રહી છે.
 

નીતા અંબાણીએ પુત્રવધૂને ભેટમાં 300 કરોડ રૂપિયાનો હીરાનો હાર આપ્યો ત્યારે ઇશા ભાઇ-ભાભીને ગિફ્ટ આપવામાં કેમ પાછળ પડે? આકાશની જોડકી બહેન ઇશાએ પોતાના ભાઇ અને ભાભીને લગ્નમાં મોંઘીદાટ ગિફ્ટ આપી છે. ઇશા- આનંદે આકાશ-શ્લોકાને લગ્નની ગિફ્ટમાં ભવ્ય બંગલો ગિફ્ટ કર્યો છે. 
 

જણાવી દઈએ કે, આકાશ-શ્લોકાના લગ્ન ઈશા-આનંદના પહેલા થવાના હતા. એક મેગેઝિનમાં આપેલા ઇન્ટરવ્યુ અનુસાર, ''આકાશનું હૃદય વિશાળ છે. તેણે મારા માટે પોતાના લગ્નની તારીખ બદલી નાખી. આકાશ અને શ્લોકાની સગાઈ અમારા પહેલાં થઈ હતી. પરંતુ તેણે મને તેના લગ્નની તારીખ આપી દીધી. આકાશ જેટલો દયાળુ વ્યકિત કોઇ નથી.''
 

ઈશાનું આકાશ અને શ્લોકા સાથે જબરદસ્ત બોન્ડિંગ છે. શ્લોકા અને ઇશા બાળપણના ફ્રેન્ડ્સ છે. થોડા સમય પહેલા જ ઇશા અને શ્લોકાની ફોટોઝ વાયરલ થઇ હતી જેમાં તેમના વચ્ચેનું બોન્ડિંગ દેખાતુ હતુ.