શાહી સેલિબ્રેશન માટે જાણીતા દેશના સૌથી ધનિક વ્યક્તિ મુકેશ અંબાણીના પરિવારે વધુ એક ગ્રાન્ડ ઇવેન્ટની તૈયારી શરૂ કરી દીધી છે. મુકેશ અંબાણીની દિકરી ઇશાના લગ્ન આનંદ પિરામલ સાથે થવાના છે. ઈશાના લગ્નનું કાર્ડ પણ ખૂબ જ રૉયલ છે. લગ્નની સામાન્ય કંકોત્રી કરતાં ખૂબ અલગ છે આનંદ-ઈશાના લગ્નનું કાર્ડ. એક બોક્સ છે જેના અર્થ થાય છે ઇશા-આનંદ..
મુખ્ય બોક્સમાં એક ડાયરી છે જેમાં લગ્નનું આમંત્રણ આપવામાં આવ્યુ છે. સાથે જ લગ્ન સાથે જે અન્ય વિગતોની જાણકારી આપવામાં આવી છે. ડાયરીના ચોથા પાન પર એક પત્ર છે જે ઇશા અને આનંદ દ્વારા લખવામાં આવ્યો છે. તેના પછીના પાના પર શુભ અભિનંદન શીર્ષક સાથે લગ્ન સંબંધિત કાર્યક્રમોની વિગતો આપવામાં આવી છે.
આ શાહી વેડિંગ કાર્ડમાં અન્ય એક બોક્સ પણ છે જે પિંક રંગનું છે. નું છે. તેના પર સોનાથી ભરતકામ કરવામાં આવ્યું છે. આ બોક્સ ખોલીએ એટલે ગાયત્રી મંત્ર વાગે છે. બોક્સની અંદર 4 નાના બોક્સ છે. જેમાં ગાયત્રી માતાની તસવીરો છે .જણાવી દઈએ કે થોડા દિવસ પહેલા જ મુકેશ અને નીતા અંબાણીએ દીકરીના લગ્ન 12 ડિસેમ્બરના રાખ્યા હોવાની વાત સામે આવી હતી.
ઈશા અને આનંદની સગાઈ આ વર્ષે મે મહિનામાં થઈ હતી. આનંદ પિરામલ રિયલ્ટી ગ્રુપના ફાઉન્ડર અજય પિરામલ અને સ્વાતી પિરામલનો પુત્ર છે. ભારતમાં દિગ્ગજ રિયલ્ટી ફર્મમાંથી એક છે.